Libitiku 23:21 - Hanunuu

²¹ Sa tunda diman pag sirang danga kamu magtarabahu bagkus pagtiripun kamu hampay mansamba sa Panginuun. Inda pag surundanun kailangan tupadun niyu tugka sa sunud pag manga sinulput tawu, una naan kamu pag mangulian.

Libitiku 23:21 Iomraidhean Croise

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

Pag-ighit 27:21

Ipauli kay sukadan sulu sa luwas limbun magtakip sa Kaban Kasunduan. Si Aarun ag kay manga anak lalaki ti mangasikasu sa manga sulu sa Turda Tiripnan. May duag kailangan inda sa kang atubangan ginan sa yabi tugka sa surip. Inda pag surundanun kailangan sundun manga Israilita hanggan sa sunud nida pag manga sinulput tawu.”

Isayas 11:10

Rumas-ug ti sirang, ianak ti bag-u pag hari ginan sa linahi ni Dabid imaw ti bumaliw pasandam sa manga nasyun hampay tumipun sida. Tumiripun sida sa kanya, bumaliw may kadayawan ti pag-ulian niya pag rugar.

Libitiku 23:14

Nu unman waya kamu nakahandug inda, balaw gid kamu kailangan magkaun una hintay pag kalasi karan-unun ginan sa kanyu un-an pag ani, latuy man inda aw ngatay sinanglay una tinama tinapay. Kailangan niyu sundun inda pag surundanun tugka sa sunud pag manga sinulput tawu, una naan kamu pag mangulian.

Libitiku 23:2

sabiha sa manga Israilita ti manga surundanun tungkul sa manga bukudtangi pag sirang, nu naan magtiripun sida sa pagsamba sa Panginuun.

Libitiku 23:20

Ipaabwat manughandug sa atubangan Panginuun ti duwa ka karanidu hanggan ti handug ginan sa un-an patubas. Banal inda pag manga handug tabug sa Panginuun dahil kabahagi inda manga manughandug.

Libitiku 23:25

Danga kamu magtarabahu sa tunda pag sirang bagkus paghandug kamu handug sa panab-anan apuy tabug sa Panginuun.

Libitiku 23:31

Nakan pagpahari kamu ag danga maghandum karan-unun umpisa sa pag-isalup init sa ikasiyam pag sirang sa tunda pag bulan tugka sa sunud pag-isalup init. Inda pag surundanun kailangan tupadun niyu tugka sa sunud pag manga sinulput tawu, una naan kamu pag mangulian.

Libitiku 23:4

Ti Pista Pag-alaala sa Karibrihan hanggan ti Pista Tinapay Unman may Pamadaka pinakamahalaga diman pag manga sirang agud magtiripun ti manga Israilita sa pagsamba sa Panginuun.

Libitiku 23:7

Sa un-an pag sirang sa inda pag pista, danga kamu magtarabahu bagkus pagtiripun kamu ag pagsamba sa Panginuun.

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Bilang 18:23

Manga Libita ti may saragtun sa buruwatun sa Turda Taragbuan, ag may saragtun sida sa kanda mabwat salan laban siyun. Inda pag surundanun kailangan tupadun niyu tugka sa sunud pag manga sinulput tawu. Unman may manahun daga ti manga Libita sa Israil.

Diyuturunumiyu 16:11

Ag pagbarayaan kamu sa atubangan Panginuun niyu Diyus sa rugar kay piliun nu naan pagdayawun siya. Pag-alaala kamu kaibahan kanyu manga anak, manga suruguun, manga Libita mag-uli sa kanyu banwa, manga balaw Israilita, manga ilu ag manga buranday pag babayi mag-uli sa kanyu banwa.