Libitiku 23:19 - Hanunuu

¹⁹ Bag-u paghandug diman kamu usa ka lalaki kambing bilang handug panlumpiyu kasalanan, bag-u duwa ka karanidu tigus-a ka timpu bilang handug para sa mayad pag pakiusa.

Libitiku 23:19 Iomraidhean Croise

Libitiku 16:15

Iyawun diman niya ti kambing bilang handug sa paglumpiyu kasalanan manga tawu. Daran-un niya inda kay dugu sa Pinakabanal pag Sulud-sulud bag-u iwidwisik inda sa taklub Kaban Kasunduan, parihu sa kay binwat sa dugu tudu baka.

Libitiku 23:18

Durugi niyu inda pitu ka ibun karanidu lalaki tigus-a ka timpu, usa ka turiti baka, bag-u duwa ka gurangun karanidu lalaki, ti kada usa sa kanda danga may alangan. Ipakaun niyu tunda bilang handug pagsunugun kaibahan sa handug pasalamat hanggan sa handug irinmun. Kay hungaw tunda pag handug sa panab-anan apuy makapasulung gid sa Panginuun.

Libitiku 23:20

Ipaabwat manughandug sa atubangan Panginuun ti duwa ka karanidu hanggan ti handug ginan sa un-an patubas. Banal inda pag manga handug tabug sa Panginuun dahil kabahagi inda manga manughandug.

Bilang 15:24

nu nalabag ngani inda balaw tikis, ag balaw diman alam buu nasakupan kuntay nalabag maaw inda, buu nasakupan ti manhandug usa ka turiti baka bilang handug pagsunugun sa udas maalaman niyu kanyu paglabag. Ti mabanglu pag hungaw handug makapasulung sa kangku. Iminsan diman niyu ti manga kailangan pag handug para sa pagkilala sa kangku hanggan manga handug irinmun ag usa ka lalaki kambing bilang handug paglumpiyu.

Bilang 28:30

Paghandug diman kamu usa ka lalaki kambing hampay sa kapatawadan niyu manga kasalanan.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.