Libitiku 23:14 - Hanunuu

¹⁴ Nu unman waya kamu nakahandug inda, balaw gid kamu kailangan magkaun una hintay pag kalasi karan-unun ginan sa kanyu un-an pag ani, latuy man inda aw ngatay sinanglay una tinama tinapay. Kailangan niyu sundun inda pag surundanun tugka sa sunud pag manga sinulput tawu, una naan kamu pag mangulian.

Libitiku 23:14 Iomraidhean Croise

Nihimyas 9:14

Itinudlu nimu sa kanda ti kailangan buwatun tungkul sa Sirang Pamahari. Ag sinugu nimu sida sa panab-anan nimu manugsirbi sa kan Muysis, kuntay tupada kanmu manga sugu, manga surundanun, hanggan manga pag-itudlu.

Kanta 19:8

Ti manga surundanun Panginuun kang-ud ag magpakaun kabayaan. Ti manga sugu Panginuun balaw may salan ag magrayaw sa naisipan tawu.

Pag-ighit 27:21

Ipauli kay sukadan sulu sa luwas limbun magtakip sa Kaban Kasunduan. Si Aarun ag kay manga anak lalaki ti mangasikasu sa manga sulu sa Turda Tiripnan. May duag kailangan inda sa kang atubangan ginan sa yabi tugka sa surip. Inda pag surundanun kailangan sundun manga Israilita hanggan sa sunud nida pag manga sinulput tawu.”

Pag-ighit 34:26

“Daran-a niyu sa Balay Panginuun kanyu Diyus ti pinakamarinu pag huray niyu un-an naani. “Danga niyu pagtamaa ti anak kambing sa gatas niya sadili ina.”

Libitiku 10:11

Ag kailangan tudluan niyu kanyu kaparihu manga Israilita sa tanan surundanun ipinakaun niku sa kanyu sa panab-anan ni Muysis.”

Libitiku 2:14

Nu manhandug kamu ginan sa kanyu un-an ani bilang pasalamat sa Panginuun, paghandug kamu ginaling pag manga butir sinanglay.

Libitiku 23:31

Nakan pagpahari kamu ag danga maghandum karan-unun umpisa sa pag-isalup init sa ikasiyam pag sirang sa tunda pag bulan tugka sa sunud pag-isalup init. Inda pag surundanun kailangan tupadun niyu tugka sa sunud pag manga sinulput tawu, una naan kamu pag mangulian.

Libitiku 23:41

Idaus niyu ti pista sa ikapitu pag bulan kada timpu sa pag-alaala sa Panginuun. Sa sulud pitu ka sirang, tanan kamu ti manga tumanduk pag manga Israilita pag-uli sa manga payag hampay maalaman niyu manga linahi kuntay ipinauli Panginuun niyu Diyus kanyu manga ginurang sa manga payag katpung ipinalwas niya sida gin sa Ihiptu. Inda pag surundanun kailangan tupadun niyu tugka sa sunud pag manga sinulput tawu.

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Diyuturunumiyu 16:12

Isipun niyu kamu manga suruguun diman kaybi sa Ihiptu, nakan sunda niyu kaayad inda pag manga surundanun.