Libitiku 23:13 - Hanunuu

¹³ Kaibahan siti, paghandug diman kamu upat ka kilu marinu pag kalasi arina may lakay lana bilang handug pasalamat sa Panginuun, bag-u usa ka litru intus bilang handug irinmun. Handug inda sa panab-anan apuy, kay hungaw tunda makapasulung gid sa Panginuun.

Libitiku 23:13 Iomraidhean Croise

Pag-ighit 30:24

unum ka kilu kasya (kailangan kay buyat inda angay sa timbangan paggamitun manga manughandug), ag usa ka galun lana ulibu.

Pag-ighit 30:9

Danga kamu maghandug tuhay pag kamangyan sa inda pag harandugan ngatay una hintay pag handug pagsunugun, ngatay handug irinmun.

Isikil 4:11

Ag manga tunga litru lang danum kanmu inmun kada sirang sa itinagka diman pag udas.

Isikil 45:24

Sa kada tudu baka hanggan kada lalaki karanidu kailangan may kaibahan inda handug pagparangal sa kangku, kay kayamuun manga tunga saku arina hanggan manga usa ka galun lana ulibu.

Isikil 46:14

Ipaamut sa inda pag karanidu ti handug pasalamat upat ka kilu arina, ag usa ka litru lana ulibu panlahuk sa arina. Inda pag surundanun tungkul sa handug pasalamat kailangan tupadun tugka aban.

Huwil 1:13

Kamu pag manga manughandug magsirbi sa harandugan niku Diyus, pagsulung kamu saku bag-u pag-atag sa Balay Diyus ag paglumi buu yabi. Dahil unman yi may butir maani aw ngatay intus handug sa Balay niyu Diyus.

Huwil 1:9

Dahil unman yi may butir maani aw ngatay irinmun intus handug sa Balay Panginuun; nakan ngani maruku ti manga magsirbi sa kanya pag manga manughandug.

Huwil 2:14

Barang ngani bumag-u kay isip ag papaladan kamu abunda pag ani, hampay makahandug kamu sa Panginuun niyu Diyus manga butir hanggan intus.

Libitiku 14:10

Sa ikawalu pag sirang, kailangan magdara siya duwa ka lalaki anak karanidu ag usa ka timpu babayi karanidu, unman may alangan. Magdara diman siya unum ka kilu marinu pag kalasi arina may lakay lana bilang handug pasalamat. Ag magdara waya siya usa ka tasa lana.

Libitiku 23:12

Sa tunda diman pag sirang, paghandug kamu sa Panginuun karanidu usa ka timpu kay idad unman may alangan bilang handug pagsunugun.

Libitiku 6:20

tungkul sa handug para sa Panginuun, ihandug ni Aarun sa sirang piliun siya bilang pangulu manughandug, ag katida diman ti buwatun niya linahi ti umilis sa kanya. Manhandug siya duwa ka kilu marinu pag kalasi arina. Inda handug pasalamat kailangan buwatun tugka aban. Kay katunga inda ihandug sa surip ag kay katunga sa malambung.

Bilang 28:10

Inda ti handug pagsunugun kada Sirang Pamahari, tuhay waya ti sa sirang-sirang pag handug minsan sa kanyu handug irinmun.