Libitiku 23:1 - Hanunuu

¹ Sinugu Panginuun si Muysis

Libitiku 23:1 Iomraidhean Croise

1 Krunika 23:31

Sida diman ti mangawat sa pagsagda sa Panginuun manga handug pagsunugun sa manga Sirang Pamahari, sa Pista Lapuslati, ag sa iba waya pag manga pista. May manga surundanun nu pira ka Libita ti bumuwat inda pag buruwatun ag nu kabitay nida inda tupadun.

2 Krunika 2:4

Mamatindug aku Balay Diyus para sa kadayawan Panginuun niku Diyus. Bumaliw banal inda pag rugar pagsunugan mabanglu pag kamangyan ag pirmi may handug banal pag tinapay. Sitay diman pag mamakaun manga handug pagsunugun kada surip ag yabi, una sa manga Sirang Pamahari, sa Pista Lapus Lati ag sa iba waya pag manga pista sa ikadayaw sa Panginuun nimi Diyus. Inda pag surundanun kailangan tupadun manga taga Israil tugka aban.

2 Krunika 8:13

Tinupad niya ti sugu ni Muysis kuntay maghandug angay sa dapat ihandug sirang-sirang ag sa panahun Sirang Pamahari, sa Pista Lapus Lati, ag sa inda pag tulu ka pista pag-idaus timpu-timpu: ti Pista Tinapay Unman may Pamadaka, ti Pista Tig-arani, ag ti Pista Pagpatindug manga Payag.

Isayas 1:13

Apasi yi niyu ti pagdara manga handug unman may pulus. Pagkadat-an niku ti hungaw niyu manga kamangyan. Udyi niku maagwanta kanyu magtiripun nu Pista Lapus Lati hanggan nu Sirang Pamahari, dahil una magtiripun kamu, magbuwat kamu kadautan.

Isikil 44:24

Nu may manga mag-aratwan, ti manga manughandug ti humusay ag magpasya angay sa kang manga kasuguan. Kailangan tupadun manga manughandug kang manga sugu ag manga surundanun tungkul sa manga pista kang pag-ipatupad, ag pakabanalun nida ti manga Sirang Pamahari.

Isikil 45:17

Katungkulan waydi takinan ti pagpakaun manga handug pagsunugun, handug pasalamat, handug irinmun, handug sa paglumpiyu, hanggan handug para sa mayad pag pakiusa sa udas manga pista parihu sa Pista Pag-umpisa Bulan, manga Sirang Pamahari, ag iba waya manga pista pag-idaus manga Israilita. Sagdaan inda pag manga handug hampay mapatawad ti manga kasalanan nasakupan Israil.”

Isikil 46:11

“Sa udas tuhay-tuhay pag manga pista, ti handug pasalamat ipaamut sa tudu baka hanggan sa lalaki pag karanidu tig tunga saku arina, dapat dipindi sa manughandug nu pira kay ipaamut pag arina sa kada anak karanidu. Sa kada tunga saku arina ipaamut niya sa manga handug hayup, manhandug diman siya usa ka galun lana ulibu.

Libitiku 22:33

ag aku ti nagpalwas sa kanyu sa Ihiptu agud aku kanyu Diyus. Hu ngani, aku ti Panginuun.

Libitiku 23:2

sabiha sa manga Israilita ti manga surundanun tungkul sa manga bukudtangi pag sirang, nu naan magtiripun sida sa pagsamba sa Panginuun.

Libitiku 23:44

Inda ngani ti tungkul sa manga itinagka pag manga panahun sa pagsamba sa Panginuun, ti ipinadakit ni Muysis sa manga Israilita.

Bilang 15:3

paghandug kamu sa kangku sa panab-anan niyu manga hayup. Paghandug kamu manga handug pag sunugun, handug sa pagtupad sa usa ka taratu, handug buluntad, ngatay manga handug sa udas manga pista. Kay hungaw inda pag manga handug sa panab-anan apuy makapasulung sa kangku.

Galasya 4:10

May turun-anun kamu manga sirang, manga bulan, manga panahun hanggan manga timpu!

Kulusas 2:16

Nakan ngani danga yi gid magpasakup kamu sa kanda manga tun-anun tungkul sa manga karan-unun hanggan irinmun, tungkul sa manga kapistahan, tungkul sa manga lapus lati hanggan Sirang Pamahari.