Libitiku 22:4 - Hanunuu

^4-7 Unman may una si unu sa kanyu ti mahimu makakaun handug nu may imaw siya dilikadu pag sakit sa lukub, ngatay may amumutul dahil sa kay sakit, ngatay naigpilan niya ti bagay mayagting dahil nid-ut inda sa namatay, ngatay linuwangan siya kinatawu, aw ngatay nakaigpil siya sa hayup ngatay sa tawu pagkilalan-un mauring. Mahimu lang siya makakaun manga handug nu siya nakaparigus yi, dapat umalagad siya tugka sa misalup ti init bag-u di makakaun siya sa manga handug imaw kay karan-unun bilang manughandug.

Libitiku 22:4 Iomraidhean Croise

Libitiku 11:39

Nu namatay yi ti usa ka hayup pagkan-un, una si unu ti makaigpil kilalan-un siya mayagting tugka sa mag-isalup ti init.

Libitiku 15:17

Una hintay pag rutay aw ngatay gamit buwat ginan sa paknul nu natiktikan ginan sa kinatawu lalaki kailangan pipian, dapat ibilang di tunda sa mauring tugka sa misalup ti init.

Libitiku 2:10

Ti nasawad sa tunda pag handug para yi sa kan Aarun hanggan sa kay manga lahi, banal gid tunda dahil bahagi tunda handug sa panab-anan apuy ihinandug para sa Panginuun.

Libitiku 2:3

Ti nasawad pag arina para yi sa kanda ni Aarun hanggan sa kay manga lahi, banal gid inda dahil bahagi inda handug sa panab-anan apuy para sa Panginuun.

Libitiku 21:1

Sinugu Panginuun si Muysis hampay sabihun inda sa manga manughandug lahi ni Aarun: Danga pag-uringi kanyu sadili sa panab-anan pagpakarani ngatay pag-igpil sa bangkay tawu,

Hagay 2:13

Nakan nagpaingana waya si Hagay, ‘Nu abi, ti manga sinampit pag karan-unun nu nasaghidan tawu mauring dahil nakahiyaput siya bangkay, mayagting yi aw waydi nguna tunda pag manga karan-unun?’ Nagsagut ti manga manughandug, ‘Hu!’

Bilang 18:19

Pag-ipakaun niku sa kanyu ti tanan banal pag handug pag-ipaabwat manga Israilita sa kangku. Para inda sa kanmu hanggan sa kanmu lahi pag kabahagi hanggan aban. Inda pag kasunduan niku sa kanmu hanggan sa kanmu lahi balaw mauman hanggan aban.”

Bilang 18:9

May imaw kamu kabahagi sa banal pag handug balaw pagsunugun, pag-ihandug manga tawu sa kangku bilang banal pag handug. Kaibahan sa inda pag manga handug ti handug pasalamat, handug sa paglumpiyu, ag handug bayad sa kasalanan. Inda kanmu huray hanggan nimu manga anak.

Bilang 19:20

Dapat nu ti tawu mayagting balaw manlumpiyu, danga yi pagkilalan-a nasakupan niyu, dahil ga inuringan diman niya ti Turda Panginuun. Ag dahil balaw siya nawidwisikan danum paggamitun sa paglumpiyu, mauring diman siya.