Libitiku 22:23 - Hanunuu

²³ Dapat mahimu kamu maghandug baka ngatay karanidu una diman kambing nagkipis kay usa ka bahagi bilug bilang buluntad pag handug, dapat balaw niyu inda mahimu ipakaun bilang handug sa pagtupad taratu.

Libitiku 22:23 Iomraidhean Croise

Pag-ighit 35:29

Nakan ti tanan Israilita, lalaki hanggan babayi, ti magkaibug mag-awat nagdara kanda buluntad pag manga handug sa Panginuun para sa tanan buruwatun isinugu Panginuun sa panab-anan ni Muysis.

Libitiku 21:18

Balaw mahimu pumakarani sa harandugan ti buta, ti lunu, ti may daut kay uyahun, ti balaw mayad kay usa ka bahagi niya bilug,

Libitiku 22:22

Danga kamu maghandug sa kangku hayup buta, nabarian, nabiyagan, ngatay may sakit sa lukub. Danga gid niyu tunda paghandugan sa kangku bilang handug sa panab-anan apuy.

Libitiku 22:24

Danga kamu maghandug sa kangku linus-anan pag hayup aw ngatay may alangan kay bugas. Danga gid niyu inda pagbuwata sa kanyu rugar.

Malakyas 1:8

Nakan ngani maghandug kamu sa kangku manga hayup buta, pilay, ngatay may sakit. Balaw tida mayad! Subuki lang niyu ayawi kanyu gubirnadur katida pag kalasi manga hayup. Pihu gid balaw siya makabaya sa kanyu ag balaw niya kamu pakakitan kaayadan.” Inda ti pagsabihun Panginuun Makamaskihan.

Diyuturunumiyu 15:21

Dapat nu inda pag hayup may sakit, abi pilay ngatay buta ngatay iba waya pag dahilan, kailangan unman niyu inda ihandug sa Panginuun niyu Diyus.

Diyuturunumiyu 17:1

“Danga kamu maghandug baka ngatay karanidu may sakit tabug sa Panginuun niyu Diyus, dahil daut masyadu inda sa kanya.