Libitiku 22:19 - Hanunuu

¹⁹ kailangan lalaki pag baka ngatay pag karanidu, una kambing unman may alangan hampay tanggapun niku.

Libitiku 22:19 Iomraidhean Croise

Pag-ighit 12:5

Kailangan piliun niyu ti lalaki pag kambing ngatay karanidu, usa ka timpu di waya kay idad, ag unman may alangan.

Libitiku 1:10

Nu karanidu ngatay kambing waydi ti ihandug tawu bilang handug pagsunugun, kailangan lalaki inda ag unman may alangan.

Libitiku 1:3

Nu baka kay ihandug bilang handug pagsunugun, kailangan lalaki inda ag unman may alangan. Ihandug niya inda sa may arani sabian Turda Taragbuan, hampay sa panab-anan inda pag handug tanggapun siya Panginuun.

Libitiku 21:18

Balaw mahimu pumakarani sa harandugan ti buta, ti lunu, ti may daut kay uyahun, ti balaw mayad kay usa ka bahagi niya bilug,

Libitiku 4:32

Nu karanidu waydi ti ihandug tawu para sa paglumpiyu kasalanan, kailangan babayi ag unman may alangan.

Matiyu 27:19

Pagka si Pilatu nakatukaw sa kay tukawan biristahan, nagpasabi kay asawa atag sa kanya magkun, “Danga kawu maglabut siyun pag tawu unman may kasalanan, dahil kis-ab yabi nakurian aku sa kang tagin-up tungkul sa kanya.”

Matiyu 27:24

Pagka naintindihan ni Pilatu udyi siya may mabuwat, bagay lalu ngap magulu ti manga tawu, namab-ul siya danum, nangugas kay kamang sa atubangan manga tawu magkun, “Unman aku may saragtun sa kay kamatayan inda pag tawu. Bahala duy kamu.”

Matiyu 27:4

Sinabi ni Hudas sa kanda, “Nagkasala gid aku. Itinudlu niku sa kalaban ti tawu hampay siya matyun madi unman may kasalanan.” Magkun sida, “Hintay kanmi labut, bahala kawu asan.”

Matiyu 27:54

Pagka nadnugan nida ti linug ag pagka nakitan nida ti nangyari, nadala masyadu ti kapitan hanggan ti manga sundalu kaibahan niya magbantay sa kan Hisus. Magkun sida, “Tutuu ungud Anak Diyus inda.”

Lukas 23:14

Sinabi niya sa kanda magkun, “Ipinabahala niyu inda pag tawu sa kangku, idinimanda niyu sa kangku kuntay siya magpan-gulu sa manga tawu. Pagka inusisa niku siya sa kanyu atubangan, unman may mag-akitan aku kasalanan sa kanya tungkul sa kanyu manga dimanda laban sa kanya.

Lukas 23:41

Nu sa ungud tama inda pag sintinsiya sa kanta kasalanan. Inda kita magbayad yi lang sa kanta binwat. Dapat inda pag tawu unman may binwat una hintay pag kadautan.”

Lukas 23:47

Pagka nakitan kapitan sundalu ti nangyari, dinayaw gid niya ti Diyus, magkun, “Tutuu matadlung gid inda pag tawu.”

Huwan 19:4

Nagluwas maan si Pilatu bag-u kay sinabi sa manga tawu magkun, “Malu duy, pag-ipalwang maan niku siya tag sa kanyu hampay maalaman niyu unman aku may nakitan dapat ikaparusa sa kanya.”

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Ipisu 5:27

Kay binuwat niya tunda hampay ipaatubang niya sa kay atubangan ti iglisya masnag, unman may huput kadautan, unman may yukut, lubus nasakup sa Diyus, lubus yi lang marinu.

Diyuturunumiyu 15:21

Dapat nu inda pag hayup may sakit, abi pilay ngatay buta ngatay iba waya pag dahilan, kailangan unman niyu inda ihandug sa Panginuun niyu Diyus.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

1 Pidru 1:19

Ti ilinukat sa kanyu kay ngap mahal pag dugu ni Kiristu. Namatay siya tungkul sa kanyu kasalanan ga anak karanidu unman may nu hintay pag alangan unman waydi may daut una di.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.