Libitiku 22:13 - Hanunuu

¹³ Dapat nu naburanday siya aw ngatay nanarayakan sida tag kay asawa unman sida may anak, bag-u mag-ulian maan siya ati sa kay ama, makakaun di siya sa karan-unun pagtanggapun niya ama bilang manughandug. Tandai gid niyu kamu lang manga manughandug hanggan kanyu magtal-anakan ti makakaun sa una hintay pag manga kabahagi niyu pag handug.

Libitiku 22:13 Iomraidhean Croise

Gimpuunan 38:11

Magkun si Huda sa kay umagad sa kan Tamar, “Pag-uli dap kawu sa kanmu ama, ag danga dap kawu mag-asawa hanggan sa udwaya magkalay-awan si Sila.” Sinabi tunda ni Huda dahil magkadala siya barang mamatay diman si Sila parihu sa kay manga patar-ari. Nakan nuli dap ngani si Tamar sa kay ama.

Isra 2:63

Sinabihan sida gubirnadur Huda balaw sida mahimu kumaun manga karan-unun ihinandug sa Diyus habang unman waya may manughandug pumaingana sa Diyus tungkul sa kanda pagkamanughandug sa panab-anan Urim ag Tumim.

Pag-ighit 12:43

Magkun ti Panginuun sa kanda ni Muysis ag ni Aarun, “Inda ti surundanun tungkul sa Pista Pag-alaala sa Karibrihan: “Ti manga day-uhan unman kailangan kumaun manga karan-unun inalistu sa inda pag pista.

Pag-ighit 29:33

Sida lang ti makakaun inda pag taguban hanggan tinapay ihinandug hampay sa kapatawadan manga kasalanan nida pagka itinalaga sida. Unman may iba makakaun inda dahil banal inda pag karan-unun.

Isikil 44:8

Sa halip kamu ti pumanguna sa banal pag manga bagay sa kang Balay, pag-ipabahala ngap niyu sa iba tawu.

Libitiku 10:14

“Kan-un niyu kaibahan kanyu magtal-anakan ti dubdub hanggan ti balangbang hayup ipinaabwat ag ihinandug sa Panginuun. Kan-un niyu inda sa manga rugar pag-isipun malumpiyu. Ipinakaun inda sa kanyu bilang kanyu pag bahagi ginan sa manga handug manga Israilita para sa mayad pag pakiusa.

Libitiku 22:10

Kamu lang manga manughandug hanggan kanyu magtal-anakan ti makakaun sa bahagi niyu pag handug. Unman mahimu kumaun siti kanyu nanabang hanggan kanyu sinuhulan pag manugtarabahu.

Libitiku 22:12

Balaw diman makakaun inda ti anak babayi usa ka manughandug Balay Diyus nu nakaasawa siya balaw manughandug.

Diyuturunumiyu 24:2

Nu mangasawa maan tunda pag babayi,

1 Samwil 21:7

Sa tunda diman pag sirang, asan waydi kay suruguun ni Saul si Duig taga Idum. Siya ti takinan manga manug-alaga hayup ni Saul. Nagsiyun siya dahil may turupadun siya sa Panginuun.