Libitiku 21:9 - Hanunuu

⁹ Nu kamu may anak babayi magpakay-a sa kanyu dahil sa magpabili siya kay bilug, dahil siyun pagkilalan-un siya mayagting, kailangan sunugun siya.

Libitiku 21:9 Iomraidhean Croise

Gimpuunan 38:24

Nakalawuy ti tulu ka bulan, nabaritaan ni Huda kay umagad si Tamar nanpabili kay bilug ag namuduy inda. Nakan magkun si Huda, “Daraha niyu siya sa luwas banwa ag sunuga.”

Pag-ighit 31:14

Hu, tupada niyu kang manga pag-ipabuwat sa Sirang Pamahari, dahil banal tunda pag sirang para sa kanyu. Una si unu ti dayu sumunud sa kang manga pag-ipabuwat sa tunda pag sirang kailangan gid matyun. Una si unu ti mantarabahu sa tunda pag sirang danga yi pagkilalan-a nasakupan niyu.

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Libitiku 19:29

Danga niyu pagpakay-aha kanyu manga anak babayi sa pagpilit sa kanda kuntay ipabili nida kanda sadili pagkababayi, dahil lumantap ti kahalayan ag mapnu kadautan kanyu rugar.

Libitiku 20:14

Nu ti usa ka lalaki maibug sa magtal-ina, kailangan sunugun sida tulu, dahil daut kanda binwat. Kailangan madura inda pag kadautan sa kanyu.

Malakyas 2:3

“Pagpatingi kamu! Dahil sa kanyu, parusahan niku kanyu manga linahi. Ag itaplak niku sa kanyu manga uyahun ti ugat manga hayup kanyu ihinandug, ag iyamut diman kamu sa rayamtan manga ugat.

Diyuturunumiyu 22:21

darahun tunda pag babayi sa atubangan balay niya ama ag ati bintukun siya manga lalaki sa banwa tugka sa mamatay. Makakaray-a pag bagay kay binuwat sa Israil dahil sa pagpanguragin katpung ati waya siya sa pudir niya ama. Kailangan duraun niyu inda pag kadautan sa kanyu.

Titu 1:6

Ti kailangan nimu piliun tunda unman may ikasaway, usa lang kay asawa, kay manga anak magpasakup waydi sa Panginuun, mabuut kanda ugali ag masurundun.

Huswi 7:15

Ti itudlu niku pag tawu nanagu manga bagay ihinandug yi buu sa kangku sunugun kaibahan kay magtal-anakan hanggan ti tanan niya kasiyunan. Dahil linabag niya kang kasunduan, ag nagbuwat siya kakay-ahan sa Israil.’ ”

Huswi 7:25

Magkun si Huswi sa kan Akan, “Hayga ipinadamhak nimu kami? Nakan taynguna kawu waydi ti ipadamhak Panginuun.” Rargu binintuk manga Israilita si Akan tugka sa namatay. Binintuk diman nida kay magtal-anakan bag-u sinunug kay manga kasiyunan.

1 Samwil 2:17

Tunda pag kasalanan manga anak ni Ili tutuu gid ungud daka sa kay magbantay Panginuun, dahil unman nida paggalangun ti handug para sa Panginuun.

1 Samwil 2:34

Ag bilang palatandaan para sa kanmu mangyari inda pag manga bagay, sabay mamatay kanmu anak duwa ka bilug sida ni Hupni ni Piniis, sa usa lang ka sirang.