Libitiku 21:12 - Hanunuu

¹² Ag dahil sa itinalaga siya sa kangku tag bilang pangulu manughandug Balay Diyus sa panab-anan paghaplas lana ulibu sa kanya, balaw siya mahimu mighit ginan sa Turda Taragbuan agud makiusa sa paglubung, dahil nu buwatun niya inda mayagtingan ti Turda. Aku ti Panginuun.

Libitiku 21:12 Iomraidhean Croise

Pag-ighit 28:36

“Pagpabwat kawu midalya gintu ag palahaban nimu inda kainda pag bagaw: ‘Ipinablag tag sa Panginuun.’

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Libitiku 10:7

Danga dapu kamu mag-ighit ginan sa sabian Turda. Nu buwatun niyu inda, pihu mamatay kamu, dahil pinili kamu Panginuun bilang manughandug sa panab-anan pagbuhus lana sa kanyu.” Bag-u tinupad ngani nida kay pagsabihun ni Muysis.

Libitiku 21:13

Ti asawan-un pangulu manughandug kailangan tugnaw pag daraga ag kaparihu niya Israilita. Danga siya mag-asawa sa buranday, una sa babayi tinayakan niya asawa, una sa babayi mayagting magpabili kay bilug.

Libitiku 8:30

Bag-u nagbuul si Muysis lana ulibu panhaplas hanggan dugu ginan sa harandugan ag winidwisikan niya si Aarun hanggan kay manga anak kaibahan kanda manga rutay. Sa katunda pag paraan pag ihinandug niya sida hanggan kanda manga rutay sa Panginuun.

Bilang 6:6

Tugka sa udwaya matapus kay taratu mansirbi sa Panginuun, balaw siya mahimu makapakarani sa bangkay,

Binwat 10:38

Naalaman yi waydi niyu inda pag Hisus taga Nasarit, ti pinili Diyus, nakan ipinakaun Diyus sa kanya ti Ispiritu Banal hanggan ti kapangyarihan. Namalibutan siya una naan tag, nagbuwat siya mayad. Ti tanan tawu inapuan diyablu kay diman pinaayad, dahil sa kanya gid ti Diyus.