Libitiku 21:1 - Hanunuu

¹ Sinugu Panginuun si Muysis hampay sabihun inda sa manga manughandug lahi ni Aarun: Danga pag-uringi kanyu sadili sa panab-anan pagpakarani ngatay pag-igpil sa bangkay tawu,

Libitiku 21:1 Iomraidhean Croise

Isikil 44:25

Balaw dapat nida pag-uringan kanda sadili sa panab-anan paghiyaput sa bangkay purya lang nu ti namatay kay ama ngatay ina, kay anak ngatay kay patar-ari lalaki, ag kay unman waya may asawa pag patar-ari babayi.

Husyas 5:1

Magkun waya ti Panginuun, “Pagpatingi kamu, nasakupan Israil, hanggan kamu pag manga manughandug ag manga mimru magtal-anakan hari, dahil inda pag sintinsiya laban sa kanyu: Ga suduk kamu, dahil pinatalang niyu ti manga nasakupan Mispa hanggan Tabur.

Libitiku 19:28

Danga diman niyu pagbiyagi kanyu bilug. Ag danga diman kamu magpatatak sa kanyu bilug. Aku ti Panginuun.

Libitiku 21:11

Kailangan balaw niya mayagtingan kay sadili sa panab-anan pagpakarani sa namatay, una waya kay ama inda aw ngatay kay ina.

Malakyas 2:1

Magkun waya ti Panginuun Makamaskihan sa manga manughandug, “Imaw inda kang pasandam sa kanyu: Nu balaw niyu patingihan ti pagsabihun niku, ag balaw niyu pahalgahan ti pagdayaw sa kangku, saadan niku kamu hanggan ti manga papalad kanyu pagtanggapun bilang manga manughandug. Sa tutuu lang, binwat yi niku inda dahil unman niyu pagpahalagahan ti pagdayaw sa kangku.

Malakyas 2:4

Kailangan maalaman niyu, pagpaandaman niku kamu katida hampay pumarargu kang kasunduan sa kanyu ginurang sa kan Libi.

Bilang 19:11

“Una si unu ti mid-ut sa bangkay kilalan-un mayagting sa sulud pitu ka sirang.

Bilang 19:14

“Inda ti surundanun nu may namatay sa sulud turda: Una si unu ti sumaka sa turda may namatay ngatay asan yi daan sa sulud sa udas pagkamatay, kilalan-un mayagting sa sulud pitu ka sirang.

Bilang 19:16

“Kilalan-un diman mayagting sa sulud pitu ka sirang una si unu ti asan sa luwas kampu ti nakahiyaput sa bangkay minatay ngatay namatay lang sa kapaladun pag karamatayun. Katida diman sa nakahiyaput sa but-ul tawu ngatay nid-ut sa kalubngan.

Bilang 5:2

“Sugua nimu ti manga Israilita palwasan nida sa kampu una si unu ti may dilikadu pag sakit sa lukub, ngatay may amumutul ngatay gaway dahil sa sakit, ngatay mayagting siya dahil nakahiyaput bangkay.

Bilang 6:6

Tugka sa udwaya matapus kay taratu mansirbi sa Panginuun, balaw siya mahimu makapakarani sa bangkay,