Libitiku 20:8 - Hanunuu

⁸ Tupada niyu kang manga surundanun dahil aku ti Panginuun ti nagtalaga sa kanyu para sa kangku.

Libitiku 20:8 Iomraidhean Croise

Pag-ighit 31:13

kuntay sabihun inda niya sa manga Israilita, “Sunda niyu kang pag-isugu tungkul sa Sirang Pamahari, dahil tanda inda nita kasunduan tugka sa sunud pag manga sinulput tawu. Sa panab-anan inda maalaman niyu aku, ti Panginuun, ti nagpili sa kanyu hampay kamu kang yi manga nasakupan.

Isikil 20:12

Ipinatupad diman niku sa kanda ti manga Sirang Pamahari bilang palatandaan nimi kasunduan. Inda manpaala-ala sa kanda kuntay aku, ti Panginuun, ti magpabanal sa kanda bilang kang nasakupan.

Isikil 37:28

Ag nu pumirmaminti yi kang banal pag Balay Diyus sa kanda sa unman may katapusan, maalaman manga nasyun aku, ti Panginuun, ti nagpabanal sa nasakupan Israil.’ ”

Libitiku 19:19

Tupada niyu kang manga sugu. Danga niyu pagpalahii ti usa ka hayup sa balaw kay kaparihu pag hayup. Danga kamu magtanum duwa ka kalasi binhi sa usa ka tanman. Danga kamu magsulung rutay binwat ginan sa duwa ka kalasi pisahan.

Libitiku 20:26

Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Libitiku 21:8

Kailangan kilalan-un kamu banal niyu kaparihu Israilita dahil kamu ti naghandug manga handug para sa kangku. Hu, kailangan gid ngap kamu kilalan-un nida banal dahil aku, ti Panginuun, banal gid, ag pagbuwatun niku banal kang manga nasakupan.

Libitiku 22:32

Danga niyu pagpakay-aha ti banal niku pag ngaran, ag kilalan-un niyu aku banal. Aku ti Panginuun ti nagtalaga sa kanyu para sa kangku,

Matiyu 12:50

Dahil una si unu pag tawu ti magtupad sa kagustuhan niku Ama sa langit, siya gid kang patar-ari lalaki, kang patar-ari babayi, kang ina.”

Matiyu 23:17

Manga buta kamu, manga luku-luku. Hintay ti lalu mahalaga, ngatay ti gintu aw ngatay ngap ti Balay Diyus kay haramnuan gintu para sa Diyus?

Matiyu 5:19

Nakan una si unu ti magpasipala sa una lang diit pag sugu inda, bag-u nu magtudlu waya siya magkun dag paniwala sa sugu, kilalan-un siya pinakaababa sa kaharian langit. Dapat una si unu ti magtupad sa Kasuguan bag-u kay pag-itudlu sa manga tawu, siya ingarnan mahalaga pag tawu nu sa kaharian langit.

Matiyu 7:24

Sinabi ni Hisus, “Nakan ngani ti kada tawu nu magpatingi ag magtupad sa kang manga bagaw, parihu siya ga usa ka tawu madunung gid, nagbungsud kay balay sa babaw batu.

Huwan 13:17

Nu naintindihan yi niyu inda pag manga katutuuhanan, masulung kamu nu kanyu tupadun.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

1 Tisalunika 5:23

Pag-idarangin niku kamu hampay kamu lubus pasakup sa Diyus. Siya yi ngani tigpakaun kahusayan. Pag-idarangin diman niku kamu hampay alagaan niya kanyu buu pagkatawu sa unman may kadautan una kanyu tagipusuun, una kanyu karadwa, una kanyu bilug hanggan sa ud rumas-ug kanta Panginuun Hisu-Kiristu.

2 Tisalunika 2:13

Dapat kailangan pirmi kami magpasalamat sa Diyus dahil sa kanyu, manga patar-ari. Kamu kay pagmahalun Panginuun. Kami magpasalamat gid dahil ginan waya sa kabag-u kamu kay yi gid pinili hampay kamu pakan-an karibrihan, dahil sa kay kamaskihan Ispiritu imaw tigbuwat matadlung sa kanyu ag dahil sa kanyu pagsarig sa katutuuhanan.

Santiyagu 1:22

Pag-ugali kamu angay sa Bagaw Diyus. Nu pagpatingihan lang niyu ti Bagaw Diyus bag-u unman diman pagtupadun, pagdayaun niyu kanyu sadili.

Ipinakakit 22:14

Papaladan Diyus ti maglumpiyu kanda manga rutay, pakan-an sida karampatan hampay makakaun burak kayu makapakaun tutuu pag buhi ag hampay makasulud sa banwa lakaw sa kay manga puwirtahan.