Libitiku 20:6 - Hanunuu

⁶ Saadan diman niku ti manga magdangup ag magsunud sa manga pandaniwan maghampang sa karadwa manga namatay. Balaw niku sida kilalan-un nasakupan niyu.

Libitiku 20:6 Iomraidhean Croise

Kanta 73:27

Pihu gid magkaradura ti manga tawu magpakarayu sa kanmu; ipadamhak nimu sida pag manga balaw magtupad sa kanmu.

Pag-ighit 22:17

Nu unman gid magpasnu ti ama daraga ipakaun kay anak hampay kay yi asawa tida pag lalaki, bumayad maan ti lalaki angay sa kanda hagadun pag halaga.

Pag-ighit 22:18

“Ti panhirian kailangan matyun.

Isayas 8:19

Nu may magsabi sa kanyu paghagad kamu pasandam ginan sa manga namatay sa panab-anan manga panhirian ag manga pandaniwan magbudung-budung, danga niyu pagbuwata tida. Unman aw kailangan sa Diyus kamu paghumagad pasandam? Hayga sa manga namatay kamu pag mamaingana para sa buhi?

Hirimyas 44:11

“Nakan aku, ti Panginuun Makamaskihan, ti Diyus Israil alistu yi hampay ipadamhak kamu ag rurisun ti buu Huda.

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Libitiku 17:10

Una si unu sa kanyu pag manga Israilita hanggan pag manga day-uhan, ti kumaun dugu pihu bumaliw kalaban Panginuun ag danga yi pagkilalan-a nasakupan niyu.

Libitiku 19:26

Danga kamu magkaun taguban may dugu waya. Danga niyu pagbuwata ti manga pagbuwatun manughula hanggan panhirian.

Libitiku 19:31

Danga kamu magdangup sa manga pandaniwan maghampang sa manga karadwa namatay, dahil nu buwatun niyu inda miminsan kamu sa mayagting. Aku ti Panginuun kanyu Diyus.

Libitiku 20:27

Nu may imaw sa kanyu pandaniwan maghampang sa karadwa manga namatay, kailangan gid bintukun siya tugka sa mamatay. Siya di waydi ti dahilan niya kamatayan.

Libitiku 20:5

aku gid ngap ti umunu-unu sa kanya hanggan sa kay magtal-anakan ag sa tanan magsunud sa kanya sa pagsagda sa kan Muluk. Balaw niku sida kilalan-a nasakupan niyu.

Bilang 15:39

Inda pag manga paraway-raway imaw ti pumaala-ala sa kanyu sa tanan niku manga sugu hampay tupadun niyu inda ag balaw kanyu lang pag kagustuhan ti pagbuwatun niyu.

Binwat 16:16

Pagka kami mag-atag maan sa rugar dararanginan, nasulang kami usa ka babayi suruguun inapuan labang manughula. Daka pag kuwarta ti pagtanggapun niya manga amu dahil sa kay maghula.