Libitiku 20:26 - Hanunuu

²⁶ Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Libitiku 20:26 Iomraidhean Croise

Nihimyas 10:29

nagsumpa kaibahan nimi manga takinan, kuntay kanmi tupadun ti Kasuguan ipinakaun Diyus sa panab-anan niya manugsirbi si Muysis. Nagsumpa diman kami tanggapun nimi ti saad Diyus nu balaw nimi matupad kanmi itinaratu kuntay sundun ti tanan sugu hanggan manga surundanun Panginuun nimi Diyus.

Kanta 99:5

Dayawa ti Panginuun kanta Diyus. Sambaha siya sa kay Balay. Banal siya!

Kanta 99:9

Dayawa ti Panginuun kanta Diyus. Sambaha siya sa kay banal pag Bantud, dahil banal ti Panginuun kanta Diyus.

Pag-ighit 33:16

Dahil kabitay maalaman iba kuntay magbaya kawu sa kangku hanggan sa kanmu nasakupan nu balaw kami kanmu ibahan? Kabitay duy nida maalaman kuntay nituhay kami pag manga nasakupan sa iba pag manga nasakupan sa kalibutan.”

Isayas 30:11

Pag-ighit kamu sa kanmi lakawan, danga niyu kami pagharangi. Danga yi niyu sabihun sa kanmi ti tungkul sa Banal pag Diyus Israil.’ ”

Isayas 6:3

Magsarabihan sida sa usa kag sa usa: “Banal, Banal, Banal ti Panginuun Makamaskihan! Kay kadayawan magsakup sa buu kalibutan.”

Libitiku 19:2

kuntay sabiha inda sa buu nasakupan Israil: Pagpangabuhi kamu may kabanalan dahil aku, ti Panginuun kanyu Diyus, banal.

Libitiku 20:24

Ag angay diman sa kang sinabi sa kanyu, apuun niyu kanda daga. Ipakaun niku tunda pag daga sa kanyu, marinu ag abunda pag daga hampay kanyu apuun. Aku ti Panginuun kanyu Diyus, imaw ti nagtalaga sa kanyu ginan sa kadamlan tawu.

Libitiku 20:7

Itigana niyu kanyu sadili para sa kangku ag pagpakabanal kamu dahil aku ti Panginuun kanyu Diyus.

Libitiku 20:8

Tupada niyu kang manga surundanun dahil aku ti Panginuun ti nagtalaga sa kanyu para sa kangku.

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Diyuturunumiyu 7:6

Dahil kamu pag manga tawu ipinablag para sa Panginuun niyu Diyus. Sa tanan pag manga tawu, kamu ti pinili Panginuun niyu Diyus ti pagmahalun niya pag nasakupan.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Huswi 24:19

Magkun si Huswi sa manga tawu, “Unman kamu makasirbi sa Panginuun dahil banal siya pag Diyus ag balaw niya gustu may pagsambahun kamu tuhay. Unman niya baliwalaun kanyu maralaban ag manga kasalanan.

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu:

Ipinakakit 4:8

Tigtigun-um ka pakpak ti upat ka linalang may buhi, lipus mata sa kanda buu bilug. Unman may apas sida magkanta sirang yabi magkun, “Banal, banal, banal ti Panginuun Diyus Makamaskihan sa tanan. Ti Diyus kaybi ginan hanggan taynguna hanggan waya aban.”