Libitiku 20:24 - Hanunuu

²⁴ Ag angay diman sa kang sinabi sa kanyu, apuun niyu kanda daga. Ipakaun niku tunda pag daga sa kanyu, marinu ag abunda pag daga hampay kanyu apuun. Aku ti Panginuun kanyu Diyus, imaw ti nagtalaga sa kanyu ginan sa kadamlan tawu.

Libitiku 20:24 Iomraidhean Croise

1 Hari 8:53

Dahil pinili nimu sida, Panginuun Diyus, sa tanan nasyun sa kalibutan bilang magkaapu nimu pag nasakupan, angay sa sinabi nimu sa panab-anan ni Muysis kanmu suruguun, katpung ipinalwas nimu kanmi manga ginurang sa Ihiptu.”

Pag-ighit 13:5

Kailangan niyu inda alalahanun nu darahun yi kamu Panginuun sa daga manga Kananiyu, Hitiyu, Amuriyu, Hibiyu hanggan manga Hibusiyu. Inda pag daga, imaw ti itinaratu niya sa kanyu manga ginurang kay ipakaun sa kanyu. Marinu inda pag daga ag abunda.

Pag-ighit 3:17

Nanaratu aku ipalwas niku kamu ginan sa Ihiptu nu naan pag magkakurian kamu, ag daran-un niku kamu sa marinu ag abunda pag daga manga Kananiyu, Hitiyu, Amuriyu, Pirisiyu, Hibiyu ag manga Hibusiyu.’

Pag-ighit 3:8

Nakan dinmugsun aku hampay iribri sida ginan sa kamang manga Ihipsiyu, ag hampay daran-un sida sa marinu, maluang ag abunda pag daga sa pag-ulian manga Kananiyu, Hitiyu, Amuriyu, Pirisiyu, Hibiyu ag manga Hibusiyu.

Pag-ighit 33:1

Magkun ti Panginuun sa kan Muysis, “Pag-ighit yi kawu sitay pag rugar kaibahan ti ipinalwas nimu pag manga nasakupan ginan sa Ihiptu, pag-ati kamu sa kang itinaratu pag daga sa kanda ni Abraham, ni Isaak ag ni Hakub. Magkun aku sa kanda kaybi ipakaun niku inda pag daga sa kanda linahi.

Pag-ighit 33:16

Dahil kabitay maalaman iba kuntay magbaya kawu sa kangku hanggan sa kanmu nasakupan nu balaw kami kanmu ibahan? Kabitay duy nida maalaman kuntay nituhay kami pag manga nasakupan sa iba pag manga nasakupan sa kalibutan.”

Pag-ighit 33:3

sa ati pag daga marinu ag abunda. Kamu lang ti umati; balaw niku kamu ibahan dahil maganit kanyu ulu, barang matyun waya niku kamu sa dalan.”

Pag-ighit 6:8

Darahun niku kamu sa kang itinaratu pag daga ipakaun sa kanda ni Abraham, ni Isaak ag ni Hakub. Ipakaun niku inda sa kanyu agud kanyu maapu. Aku ti Panginuun.’ ”

Libitiku 14:34

tungkul sa dapat nida buwatun nu patubuun Panginuun ti kalmu sa kanda manga balay nu ati yi sida sa Kanaan, ti rugar ipakaun Panginuun sa kanda bilang maranahun nida:

Libitiku 20:26

Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Bilang 23:9

Pagka ati aku sa katayungtungan tagudtud, nakitan niku sida. Magkabuhi diman sida una sida-sida lang, mablagan sa iba ka manga nasyun.

Huwan 15:19

Nu abi kamu manga taga kalibutan, pagmahalun mana kamu manga taga kalibutan dahil minsan kamu sa kanda. Dapat ay kamu kang yi pinili ipinablag ginan sa kalibutan, nakan kamu pagkagalitan manga taga kalibutan dahil udyi kamu minsan sa kanda.

2 Kurintu 6:17

Nakan ngani pagpakarayu kamu ginan sa kanda, pagpablag kamu ginan sa kanda. Magkun ti Panginuun, danga kamu maggaraw sa una hintay pag mayagting hampay kamu kang tanggapun.”

Diyuturunumiyu 14:2

Dahil manga nasakupan kamu Panginuun niyu Diyus. Sa tanan tawu sa kalibutan, kamu kay pinili bukud tangi pag nasakupan.

Diyuturunumiyu 7:6

Dahil kamu pag manga tawu ipinablag para sa Panginuun niyu Diyus. Sa tanan pag manga tawu, kamu ti pinili Panginuun niyu Diyus ti pagmahalun niya pag nasakupan.

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.