Libitiku 20:23 - Hanunuu

²³ Ti manga paighitun niku pag tawu siyun ginan pag daga magbuwat inda pag manga daut buruwatun, ag dahil siyun pagkadat-an niku sida. Nakan danga niyu paghuwada kanda pagbuwatun.

Libitiku 20:23 Iomraidhean Croise

Kanta 78:59

Alam Diyus inda pag binwat manga Israilita, nakan nagalit siya ag binugyahan niya sida lubus.

Libitiku 18:2

kuntay sabiha inda sa manga Israilita: Aku ti Panginuun kanyu Diyus.

Libitiku 18:24

Danga niyu pagyagtingi kanyu pagkatawu sa panab-anan pagbuwat tunda pag manga buruwatun, dahil inda ti nagpayagting sa manga tawu pagpaighitun niku sa daga kang pag-ipakaun sa kanyu.

Libitiku 18:25

Una tunda pag daga nayagtingan dahil sa kanda binwat, nakan pinadaran-an niku manga sarut tunda pag daga hampay mighit sida siyun ginan. Dapat kamu pag manga Israilita hanggan pag manga day-uhan mag-ulian kaibahan niyu, danga gid niyu pagbuwata ti mayagting pag manga bagay, bagkus ngap tupadun gid niyu kang manga surundanun hanggan manga kasuguan. Dahil nu yagtingan diman niyu ti daga sa pagbuwat mahalay, paighitun diman niku kamu siyun ginan pag daga parihu sa manga tawu un-an man sa kanyu.

Libitiku 18:3

Danga niyu paghuwada ti manga pagbuwatun manga tawu taga Ihiptu nu naan pag nangulian kamu kaybi, hanggan ti manga pagbuwatun manga taga Kanaan nu naan niku kamu pag darahun.

Libitiku 18:30

Nakan tupada niyu ti pag-isugu niku sa kanyu ag danga niyu paghuwada ti manga mayagting pag manga buruwatun manga tawu un-an man sa kanyu, hampay balaw niyu mayagtingan kanyu sadili dahil siyun. Aku ti Panginuun kanyu Diyus.

Sakaryas 11:8

Pinaighit niku ti tulu ka manug-alaga karanidu sa sulud lang usa ka bulan. Dahil natabwan aku pasunaid sa kanda, ag sida diman magkagalit sa kangku.

Diyuturunumiyu 9:5

Apuun niyu kanda daga balaw dahil sa matadlung kamu ngatay mayad kamu pag manga tawu nu unman dahil daut sida, ag hampay matupad Panginuun kay itinaratu sa kanyu manga ginurang sa kanda ni Abraham, ni Isaak, ag ni Hakub.