Libitiku 20:17 - Hanunuu

¹⁷ Nu ti usa ka lalaki maibug bag-u mangulid sa kay patar-ari babayi, una waya patar-ari niya inda sa kay ama ngatay sa kay ina, pinakay-a niya kay patar-ari nakan may saragtun siya. Ag dahil makakaray-a kanda binwat, danga yi niyu sida pagkilalan-a nasakupan niyu.

Libitiku 20:17 Iomraidhean Croise

Gimpuunan 20:12

Tutuu duy magtar-ari kami, dapat sa ama lang balaw sa ina; ag naasawa duy niku siya.

2 Samwil 13:12

Dapat nagbugya di si Tamar ag magkun, “Danga! Magtar-ari duy kita! Danga nimu aku pagpakay-aha! Danga kawu magbuwat kadautan. Balaw dapat mangyari inda sa Israil.

Pag-ighit 30:33

Una si unu pag balaw manughandug ti bumuwat inda pag lana ngatay ti gumamit inda una sa kantapu, danga yi pagkilalan-a nasakupan niyu.”

Isikil 22:11

May imaw diman mag-ulid sa asawa iba, ngatay sa kay umagad babayi, ngatay sa kay patar-ari babayi, anak sa kay ama.

Libitiku 18:9

Danga kawu mag-ulid sa kanmu patar-ari babayi, una patar-ari ulung lang sa ama ngatay sa ina, una nagdaka siya sa kanyu una bukun.

Bilang 5:31

Unman may labut ti lalaki dapat may saragtun ti babayi nu nagkasala siya, ag mangagwanta siya sa kay kasalanan.”

Diyuturunumiyu 27:22

“Saadan ti mag-ulid sa kay patar-ari babayi, una patar-ari niya sa ama ngatay sa ina.” Bag-u sumagut ti tanan tawu, “Amin!”