Libitiku 2:3 - Hanunuu

³ Ti nasawad pag arina para yi sa kanda ni Aarun hanggan sa kay manga lahi, banal gid inda dahil bahagi inda handug sa panab-anan apuy para sa Panginuun.

Libitiku 2:3 Iomraidhean Croise

Isra 2:63

Sinabihan sida gubirnadur Huda balaw sida mahimu kumaun manga karan-unun ihinandug sa Diyus habang unman waya may manughandug pumaingana sa Diyus tungkul sa kanda pagkamanughandug sa panab-anan Urim ag Tumim.

Pag-ighit 29:37

Buwata nimu inda sa sulud pitu ka sirang; ag bumaliw banal ti harandugan, ag kailangan banal diman ti maghiyaput inda.

Isikil 44:29

Kanda karan-unun ginan sa manga handug pasalamat, manga handug sa paglumpiyu, ag manga handug bayad sa kasalanan. Ag ti manga bagay itinigana para sa kangku bumaliw kanda.

Isikil 46:20

Magkun siya sa kangku, “Sitaay pag rugar ti manga manughandug magtama handug bayad sa kasalanan, handug sa paglumpiyu, hanggan handug pasalamat. Sitaay nida inda pagtamaun hampay maamanan nida ti pagdara manga handug sa luwas sarakahan. Sa panab-anan inda mapinsala ti manga tawu sa kabanalan.”

Libitiku 10:15

Nu manhandug ti manga Israilita, ihandug nida kay dubdub hanggan kay balangbang hayup kaibahan ti manga taba pag-ihandug nida bilang handug sa panab-anan apuy. Ti dubdub hanggan ti balangbang ipaabwat nida sa atubangan Panginuun bilang handug pag ipaabwat. Imaw inda kanyu bahagi hanggan niyu manga lahi tugka aban, angay sa sugu Panginuun.”

Libitiku 14:13

Iyawun niya ti karanidu sa banal pag rugar, ati sa iriyawan handug panlumpiyu sa kasalanan hanggan handug surunugun. Inda pag handug karanidu banal gid, ag tunda para yi sa manga manughandug, parihu diman sa handug panlumpiyu sa kasalanan.

Libitiku 2:10

Ti nasawad sa tunda pag handug para yi sa kan Aarun hanggan sa kay manga lahi, banal gid tunda dahil bahagi tunda handug sa panab-anan apuy ihinandug para sa Panginuun.

Libitiku 5:13

Sa panab-anan inda pag buwat manughandug, malukat ti tawu ginan sa kay manga kasalanan ag patawadun siya Panginuun. Ti nasawad pag handug arina para yi waydi sa manughandug, parihu sa pagbuwatun sa handug pasalamat.

Libitiku 6:26

Ti manhandug pag manughandug kailangan sa may sabian Turda Taragbuan pag kumaun, usa ka banal pag rugar.

Libitiku 7:7

Parihu lang kay surundanun tungkul sa handug sa paglumpiyu kasalanan hanggan sa handug bayad sa kasalanan: inda pag manga handug taguban para yi sa manughandug.

Libitiku 7:9

Para diman sa manughandug ti una hintay pag handug bilang pasalamat sa Panginuun, ti tinama sa pugun, sa kawali, ngatay sa sartin.

Bilang 18:9

May imaw kamu kabahagi sa banal pag handug balaw pagsunugun, pag-ihandug manga tawu sa kangku bilang banal pag handug. Kaibahan sa inda pag manga handug ti handug pasalamat, handug sa paglumpiyu, ag handug bayad sa kasalanan. Inda kanmu huray hanggan nimu manga anak.

1 Samwil 2:28

Sa tanan linahi Israil pinili niku kanmu ginurang hampay siya hanggan kay linahi yi ti manughandug sa kang balay, hampay sida tig asikasu sa surunugan pag-ihandug sa kangku, sa magtuub kamangyan, sa pagsulung ipud manughandug sa kang atubangan. Pinakan-an diman niku sida kabahagi ginan sa manga handug Israilita sa panab-anan apuy.