Libitiku 2:10 - Hanunuu

¹⁰ Ti nasawad sa tunda pag handug para yi sa kan Aarun hanggan sa kay manga lahi, banal gid tunda dahil bahagi tunda handug sa panab-anan apuy ihinandug para sa Panginuun.

Libitiku 2:10 Iomraidhean Croise

2 Krunika 31:14

Si Kuri kay anak ni Imna, usa ka Libita, guwardiya sa butlakan sabian Balay Diyus, siya ti piniyaran mag-asikasu sa manga buluntad pag handug sa Diyus. Karampatan niya ti mag-ayaw sa manga manughandug hanggan sa manga Libita manga bagay ihinandug yi sa Panginuun hanggan manga banal pag handug.

Isra 2:63

Sinabihan sida gubirnadur Huda balaw sida mahimu kumaun manga karan-unun ihinandug sa Diyus habang unman waya may manughandug pumaingana sa Diyus tungkul sa kanda pagkamanughandug sa panab-anan Urim ag Tumim.

Isikil 44:29

Kanda karan-unun ginan sa manga handug pasalamat, manga handug sa paglumpiyu, ag manga handug bayad sa kasalanan. Ag ti manga bagay itinigana para sa kangku bumaliw kanda.

Isikil 46:20

Magkun siya sa kangku, “Sitaay pag rugar ti manga manughandug magtama handug bayad sa kasalanan, handug sa paglumpiyu, hanggan handug pasalamat. Sitaay nida inda pagtamaun hampay maamanan nida ti pagdara manga handug sa luwas sarakahan. Sa panab-anan inda mapinsala ti manga tawu sa kabanalan.”

Libitiku 10:12

Sinabi ni Muysis sa kan Aarun hanggan sa kay duwa ka anak nasawad, si Iliyasar ag si Itamar, “Bul-a niyu ti nasawad pag handug pasalamat ginan sa manga handug sa panab-anan apuy ihinandug sa Panginuun. Tamaa niyu inda balaw may lakay pamadaka ag kan-a niyu sa may arani harandugan dahil banal gid inda pag handug.

Libitiku 14:13

Iyawun niya ti karanidu sa banal pag rugar, ati sa iriyawan handug panlumpiyu sa kasalanan hanggan handug surunugun. Inda pag handug karanidu banal gid, ag tunda para yi sa manga manughandug, parihu diman sa handug panlumpiyu sa kasalanan.

Libitiku 2:3

Ti nasawad pag arina para yi sa kanda ni Aarun hanggan sa kay manga lahi, banal gid inda dahil bahagi inda handug sa panab-anan apuy para sa Panginuun.

Libitiku 5:13

Sa panab-anan inda pag buwat manughandug, malukat ti tawu ginan sa kay manga kasalanan ag patawadun siya Panginuun. Ti nasawad pag handug arina para yi waydi sa manughandug, parihu sa pagbuwatun sa handug pasalamat.

Libitiku 6:16

Ti nasawad pag arina tamaun ag kan-un ni Aarun kaibahan kay manga lahi. Dapat tamaun nida inda unman may pamadaka, ag kan-un nida ati sa may sabian Turda Taragbuan, usa ka banal pag rugar. Ipinakaun tunda Panginuun sa kanda bilang bahagi manga handug sa panab-anan apuy. Banal gid ti handug pasalamat sa Panginuun, ga handug sa paglumpiyu ag panlukat sa kasalanan.

Libitiku 6:23

Ti tanan handug pakaun manughandug bilang pasalamat sa Panginuun kailangan tabuhun gid sunugun; danga gid pagkan-a.

Libitiku 7:7

Parihu lang kay surundanun tungkul sa handug sa paglumpiyu kasalanan hanggan sa handug bayad sa kasalanan: inda pag manga handug taguban para yi sa manughandug.

Bilang 18:9

May imaw kamu kabahagi sa banal pag handug balaw pagsunugun, pag-ihandug manga tawu sa kangku bilang banal pag handug. Kaibahan sa inda pag manga handug ti handug pasalamat, handug sa paglumpiyu, ag handug bayad sa kasalanan. Inda kanmu huray hanggan nimu manga anak.

1 Samwil 2:28

Sa tanan linahi Israil pinili niku kanmu ginurang hampay siya hanggan kay linahi yi ti manughandug sa kang balay, hampay sida tig asikasu sa surunugan pag-ihandug sa kangku, sa magtuub kamangyan, sa pagsulung ipud manughandug sa kang atubangan. Pinakan-an diman niku sida kabahagi ginan sa manga handug Israilita sa panab-anan apuy.