Libitiku 2:1 - Hanunuu

¹ Nu may manhandug handug pasalamat sa Panginuun, gamitun niya ti marinu pag kalasi arina ag paulian niya inda lana ulibu hanggan kamangyan.

Libitiku 2:1 Iomraidhean Croise

Pag-ighit 29:2

Pagbuul diman kawu marinu pag kalasi arina ag pagtama tinapay unman may pamadaka. Pagtama kawu madamul pag tinapay linibugan lana ulibu hanggan manipis pag tinapay pinayidan lana ulibu.

Isayas 43:23

Udyi kawu maghandug karanidu sa kangku bilang handug pagsunugun. Balaw yi nimu aku pagkilalan-un sa panab-anan manga handug una balaw niku kawu pinakurianan ngatay pinabudlay sa paghagad manga handug pasalamat hanggan manga kamangyan.

Isayas 66:20

Ag darahun nida pauli ginan sa manga nasyun ti tanan niyu manga kasimanwa masakyan sa manga kabayu, manga mula, sa manga kamilyu, sa manga kalisa, ag sa manga karitun. Darahun nida sida sa kang banal pag bantud sa Hirusalim bilang handug sa kangku parihu sa pagbuwatun manga Israilita maghandug sa kangku sa Balay Diyus manga handug karan-unun, mapaulian sa manga malumpiyu pag sukadan.

Isikil 46:20

Magkun siya sa kangku, “Sitaay pag rugar ti manga manughandug magtama handug bayad sa kasalanan, handug sa paglumpiyu, hanggan handug pasalamat. Sitaay nida inda pagtamaun hampay maamanan nida ti pagdara manga handug sa luwas sarakahan. Sa panab-anan inda mapinsala ti manga tawu sa kabanalan.”

Huwil 1:9

Dahil unman yi may butir maani aw ngatay irinmun intus handug sa Balay Panginuun; nakan ngani maruku ti manga magsirbi sa kanya pag manga manughandug.

Huwil 2:14

Barang ngani bumag-u kay isip ag papaladan kamu abunda pag ani, hampay makahandug kamu sa Panginuun niyu Diyus manga butir hanggan intus.

Libitiku 14:10

Sa ikawalu pag sirang, kailangan magdara siya duwa ka lalaki anak karanidu ag usa ka timpu babayi karanidu, unman may alangan. Magdara diman siya unum ka kilu marinu pag kalasi arina may lakay lana bilang handug pasalamat. Ag magdara waya siya usa ka tasa lana.

Libitiku 24:7

Paulii niyu lunsay pag kamangyan sa saruy kada tinungbaw. Ti kamangyan imaw kay pinagka handug sa pag-alaala sa Panginuun. Sunugun inda bilang handug sa panab-anan apuy sa halip ti manga tinapay.

Libitiku 5:11

Dapat nu unman siya may kakayahan manhandug duwa ka kalampati ngatay duwa ka kurkuru, manhandug yi lang siya duwa ka kilu marinu pag arina. Kailangan balaw niya lakayan lana hanggan kamangyan dahil handug tunda sa paglumpiyu kasalanan, balaw handug pasalamat.

Libitiku 6:7

Sa panab-anan inda pag buwat manughandug sa atubangan Panginuun, malukat ti tawu ginan sa kay kasalanan, ag patawadun siya Panginuun sa una hintay pag nabwat niya kasalanan.

Libitiku 9:17

Dinara diman niya sa karaw-an ti handug pasalamat. Nagbuul siya siyun gin usa ka akup bag-u kay sinunug sa harandugan dagdag sa handug pagsunugun kada surip.

Libitiku 9:4

Pagdara diman sida usa ka lalaki baka hanggan lalaki pag karanidu bilang handug para sa mayad pag pakiusa. Ihandug nida inda minsan sa handug pasalamat may lakay lana, dahil sa tunda pag sirang ipakakit Panginuun sa kanyu kay kadayawan.”

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Bilang 18:9

May imaw kamu kabahagi sa banal pag handug balaw pagsunugun, pag-ihandug manga tawu sa kangku bilang banal pag handug. Kaibahan sa inda pag manga handug ti handug pasalamat, handug sa paglumpiyu, ag handug bayad sa kasalanan. Inda kanmu huray hanggan nimu manga anak.

Bilang 28:5

kaibahan handug pagdayaw sa Panginuun ti duwa ka kilu mayad pag arina linakayan usa ka litru lana ulibu.

Bilang 29:18

Kada usa tunda paibahan niyu kang-ud kay kayamu pag handug pasalamat hanggan handug irinmun.

Bilang 8:8

Pagkatapus, padaraha nimu sida turiti baka hanggan marinu pag kalasi arina may lakay lana handug pagkilala sa Panginuun. Padaraha diman nimu sida usa waya ka turiti baka handug sa paglumpiyu.

Huwan 6:35

Bag-u sinabi ni Hisus sa kanda magkun, “Aku ti ga karan-unun makapakaun buhi sa manga tawu. Tigpasakup sa kangku balaw yi lun-usun, tigsarig sa kangku dayi uwawun una hanggan aban.

1 Huwan 2:20

Dapat ipinakaun yi sa kanyu ti Ispiritu Banal, nakan alam yi niyu tanan-tanan ti katutuuhanan.

1 Huwan 2:27

Dapat duy, ipinakaun ni Kiristu sa kanyu ti Ispiritu Banal, imaw ti nangulian sa kanyu. Nakan balaw yi kailangan may magtudlu waya sa kanyu, dahil ti Ispiritu yi gid tigtudlu sa kanyu sa tanan bagay. Kay pag-itudlu Ispiritu balaw pudil, tunda lunsay katutuuhanan ngap. Nakan pagpaniwala kamu sa tudlu Ispiritu, dagpablag kamu ginan sa kan Kiristu.

Hudas 1:20

Dapat pagpakarig-un ngap kamu duy sa kanyu lubus pagsarig sa Diyus. Pagdarangin kamu angay sa udyuk Ispiritu Banal.

Ipinakakit 8:3

Usa waya ka anghil ti nagluwang may dara gintu pag sukadan kamangyan. Nagtuhung siya sa arani gintu pag harandugan turuuban kamangyan. Pinakan-an siya mayamu pag kamangyan hampay tuubun sa gintu pag turuuban sa atubangan tukawan hari, dungan ti darangin manga tawu napasakup sa Diyus.