Libitiku 19:5 - Hanunuu

⁵ Nu manhandug kamu sa kangku manga handug para sa mayad pag pakiusa, ihandug niyu inda sa mayad pag paraan hampay tanggapun niku para sa kanyu.

Libitiku 19:5 Iomraidhean Croise

2 Krunika 31:2

Pinuru-puru ni Hari Isikyas ti manga manughandug ag ti manga Libita angay sa kanda buruwatun sa Balay Diyus Panginuun hampay magpakaun manga handug manga pagsunugun ag manga handug para sa mayad pag pakiusa, hampay magpasalamat ag kumanta pagdayaw sa manga sabian Balay Diyus.

Pag-ighit 24:5

Bag-u sinugu niya ti manga kalay-awan lalaki hampay manhandug sa Panginuun manga handug pagsunugun ag manhandug diman manga tudu baka handug sa mayad pag pakiusa.

Isikil 46:12

Nu manhandug ti takinan handug pagsunugun ngatay handug pagpakiusa angay sa kinabubut-un, bukasan para sa kanya ti lakawan maatubangan sa butlakan. Bag-u manhandug siya manga handug parihu sa kay pag-isagda sa Sirang Pamahari. Pagluwas niya, isaradu yi ti sabian.

Isikil 46:2

Ti takinan lumakaw sa sarakahan maatubangan sa butlakan bag-u tumindug siya sa tupad sabian habang maghandug ti manga manughandug kay handug pagsunugun hanggan kay handug para sa mayad pag pakiusa. Mansamba sa kangku ti takinan ati sa may sabian, pagkatapus manluwas siya, dapat ti sabian balaw saraduhan tugka sa yumabi.

Libitiku 1:3

Nu baka kay ihandug bilang handug pagsunugun, kailangan lalaki inda ag unman may alangan. Ihandug niya inda sa may arani sabian Turda Taragbuan, hampay sa panab-anan inda pag handug tanggapun siya Panginuun.

Libitiku 19:4

Danga kamu magsamba sa manga diyus-diyusan ngatay magbuwat manga tinawu-tawu. Aku ti Panginuun kanyu Diyus.

Libitiku 19:6

Kan-un niyu ti taguban sa tunda diman pag sirang ngatay sa kinaaldawan. Dapat nu may masawad waya taguban tugka sa ikatlu pag sirang kailangan sunugun yi.

Libitiku 22:19

kailangan lalaki pag baka ngatay pag karanidu, una kambing unman may alangan hampay tanggapun niku.

Libitiku 22:21

Nu ti handug para sa mayad pag pakiusa kanyu ipakaun sa kangku bilang handug sa pagtupad sa usa ka taratu ngatay buluntad pag handug, kailangan baka ngatay karanidu, una diman kambing unman may alangan hampay tanggapun niku.

Libitiku 22:23

Dapat mahimu kamu maghandug baka ngatay karanidu una diman kambing nagkipis kay usa ka bahagi bilug bilang buluntad pag handug, dapat balaw niyu inda mahimu ipakaun bilang handug sa pagtupad taratu.

Libitiku 22:29

Nu manhandug kamu handug sa pagpasalamat sa kangku, sunda niyu kaayad kay paraan paghandug tunda agud tanggapun niku.

Libitiku 7:16

Dapat nu ti handug para sa mayad pag pakiusa ihandug niya bilang handug pagtupad sa taratu ngatay buluntad pag handug, ti taguban mahimu kan-un sa tunda pag sirang ag kay masawad mahimu waya kan-un sa aldaw pag sirang.

Libitiku 7:18

Nu may mangaun waya sa taguban sa ikatlu pag sirang, balaw yi tanggapun Panginuun tunda pag handug ag unman yi may pulus kay ihinandug. Kilalan-un mayagting ti handug ag magkaimaw waya saragtun ti makakaun.