Libitiku 19:30 - Hanunuu

³⁰ Sunda niyu kang manga pag-isugu sa kanyu sa Sirang Pamahari, ag galanga niyu ti rugar sarambahan niyu sa kangku. Aku ti Panginuun.

Libitiku 19:30 Iomraidhean Croise

2 Krunika 33:7

Ipinauli niya sa Balay Diyus ti histuda kay ipinabwat, nu naan magkun ti Panginuun sa kan Dabid ag sa kay anak kan Sulumun, “Dayawun aku tugka aban sa inda pag Balay Diyus ag sa Hirusalim, ti rugar niku pinili ginan sa tanan rugar manga linahi ni Israil.

2 Krunika 36:14

Katida diman ti tanan pangulu manughandug ag ti manga nasakupan unman nagbaliw matinupadun sa Diyus. Sinunud nida ti mayagting pag manga pagbuwatun iba pag manga nasyun ag inuringan nida ti Balay Diyus Panginuun, pag itigana banal sa Hirusalim.

Kanta 89:7

Paggalangun kawu sa pagtiripun taga langit pag manga linalang. Sida tanan masangputan sa kanmu may kadalaan gid sa kanmu.

Pag-ighit 20:8

“Alalahana niyu ti Sirang Pamahari, buwatun niyu inda mahalaga pag sirang para sa kangku.

Manugtudlu 5:1

Pag-aman kawu sa kanmu pagbuwatun nu atag kawu sa Balay Diyus. Mas mayad umati kawu alistu sumunud sa Diyus, kaysa manhandug parihu sa handug usa ka unman may kabuluhan pag tawu unman alam nu hintay ti mayad ag ti daut.

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Libitiku 15:31

Sinabihan Panginuun si Muysis hanggan si Aarun kuntay pasandami gid ti manga Israilita tungkul sa manga bagay makapauring sa kanda, hampay balaw sida mamatay nu umatag sida sa Turda Panginuun, asan sa karaw-an kampu.

Libitiku 19:3

Kailangan galangun niyu kanyu ina hanggan ama, ag kailangan diman tupadun niyu kang manga pag-isugu sa kanyu sa manga Sirang Pamahari. Aku ti Panginuun kanyu Diyus.

Libitiku 26:2

Sunda niyu kang manga pag-isugu sa kanyu sa manga Sirang Pamahari ag galanga niyu ti rugar sarambahan niyu sa kangku. Aku ti Panginuun.

Matiyu 21:13

Sinabi ni Hisus sa kanda, “Nisurat sa Banal Kasuratan magkun, ‘Kang balay ingarnan balay darangin. Dapat binwat ngap niyu paratag-an manga mananakaw!’”

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

1 Pidru 4:17

Taynguna yi ti kaudasan hampay pihuun ti manga tawu nu daut nu mayad ag inda umumpisa ginan sa manga pinili Diyus. Ginan ngani sa kanta inda pag umumpisa. Kabitay wadi ti mangyari sa katapusan aban sa manga unman magpaniwala sa Mayad pag Barita Diyus?