Libitiku 19:27 - Hanunuu

²⁷ Nu manruku kamu sa namatay danga niyu pagpuldi kanyu buhuk sa sangput niyu ulu ngatay puldun kanyu bungut.

Libitiku 19:27 Iomraidhean Croise

1 Krunika 19:4

Nakan ipinadakup ni Hanun kay manga tawuhan ni Dabid ag kinidkid kanda manga bungut. Tinastas diman niya kanda manga rutay ginan sa awak tugka sa sirung bag-u rargu pinauli sida.

Isayas 15:2

Tinmukad ti manga taga Dibun sa kanda Balay Diyus hanggan sa kanda manga simbahan sa abwat pag rugar hampay manlumi. Paglumian manga taga Muab ti Nibu hanggan ti Midiba. Ti kada usa sa kanda napakidkid kay buhuk ag napauguy kay bungut.

Hirimyas 16:6

Magkaramatay sida sa inda pag daga, mayaman man ngatay pugri, ag unman may manlubung sa kanda. Unman may tawu manmiyag sa sadili nida ngatay manpauguy hampay ipakakit kanda maghimanglaw sa manga namatay.

Hirimyas 41:5

may 80 ka lalaki atabug sa Mispa ginan sa Sikim, sa Silu, ag Samarya. Kinidkid nida kanda manga bungut, ginitas kanda manga rutay ag biniyagan kanda manga bilug hampay ipakakit naghimanglaw sida. May manga dara sida handug hampay pagdayawun ti Panginuun ag manga kamangyan hampay ihandug sa Balay Diyus Panginuun.

Hirimyas 48:37

Ti kada usa nagpaburayhaw kanda karukuan sa panab-anan pagpakidkid, pag-uguy bungut, pagbiyag sa kanda manga kamang ag pagsulung manga rutay panhimanglaw.

Hirimyas 9:25

Magkun waya ti Panginuun, “Rumas-ug ti sirang parusahan niku ti nasyun Ihiptu, Idum, Amun, Muab, hanggan ti tanan mag-uli sa pangawakawaan sa arayu pag manga rugar. Ti manga mag-uli siyun pag nasyun manga tinuri, dapat unman sida magdayaw sa kangku. Ag parihu sida sa manga taga Huda. Kanyu bilug tinuri, dapat kanyu tagipusuun unman magbag-u.”

Isikil 44:20

“Kailangan balaw sida magpakalbu kanda ulu ngatay magpaaba kanda buhuk, nu unman puldan lang nida inda pirmi.

Isikil 7:18

Mansulung sida saku ag kuridun nida kanda manga buhuk sa ulu sa pagpakakit nida karukuan. Madala gid sida ag mangay-a.

Libitiku 19:28

Danga diman niyu pagbiyagi kanyu bilug. Ag danga diman kamu magpatatak sa kanyu bilug. Aku ti Panginuun.

Libitiku 21:5

Nu manruku kamu sa namatay, danga niyu pagkurida kanyu buhuk aw ngatay puldan kanyu bungut, aw ngatay biyagan kanyu bilug.

Diyuturunumiyu 14:1

“Manga anak kamu Panginuun niyu Diyus. Nakan nu manruku kamu sa namatay, danga niyu pagbiyagi kanyu sadili aw ngatay kidkidun kanyu tungud bangas.