Libitiku 19:26 - Hanunuu

²⁶ Danga kamu magkaun taguban may dugu waya. Danga niyu pagbuwata ti manga pagbuwatun manughula hanggan panhirian.

Libitiku 19:26 Iomraidhean Croise

Gimpuunan 44:5

Hayga bin-ul niyu ti tasa irinman niku amu ag garamitun niya sa maghula? Daut gid inda pag binwat niyu.’ ”

Gimpuunan 9:4

Dapat danga niyu pagkan-a ti hayup balaw linmuwas kay dugu sa kay pagkamatay, dahil ti dugu pahalimbawa buhi.

2 Hari 17:17

Isinagda nida kanda manga anak sa apuy; nagpaingana sida sa manga manugpintu hanggan sa manga pandaniwan, ag ipinahintulut nida kanda sadili sa pagbuwat daut sa magbantay Panginuun, ag ikinagalit inda Panginuun.

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

2 Krunika 33:6

Isinagda niya sa panab-anan apuy kay manga anak sa Karatagan Bin Hinum. Binwat diman niya ti manga pagbuwatun manga manughula ag panhirian, ag nagpaingana siya sa manga pandaniwan magpakihampang sa karadwa manga namatay. Pinakadaut kay binwat niya ag nakapagalit inda sa Panginuun.

Pag-ighit 7:11

Ipinatawag waydi hari Ihiptu kay manga dunungin pag tawu hanggan manugsalumangka. Sa panab-anan nida salumangka, nabwat diman nida ti katida pag makadululaw.

Pag-ighit 8:7

Dapat binuwat diman inda manga manugsalumangka sa panab-anan nida salumangka. Nipalwang diman nida ti manga pikaw sa danum Ihiptu.

Hirimyas 10:2

Pagsabihun niya, “Danga niyu paghuwada ti pag-ugaliun iba nasyun. Maghanap sida manga tanda mag-akitan sa langit. Dapat magkadala sida sa tunda pag manga tanda kanda mag-akitan. Danga niyu inda paghuwada.

Danyil 2:10

Nagsagut sida sa hari, “Unman gid may tawu sa buu kalibutan ti makabwat sa kanmu paghagadun. Ag unman diman may hari, una kabitay waya kay kapangyarihan, magsugu sa manga manugsalumangka, pandaniwan, una manughula ti makabuwat katida.

Libitiku 19:25

Dapat sa ikalima pag timpu makakaun yi kamu manga burak. Ag nu tupadun niyu inda pag manga surundanun, umabunda gid kay manga burak kanyu manga tanum. Aku ti Panginuun kanyu Diyus.

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Libitiku 7:26

Una naan kamu pag mangulian, danga kamu magkaun dugu manuk hanggan dugu hayup.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Binwat 15:20

Dapat ay suratan nita sida sa danga sida kumaun karan-unun ihinandug sa diyus-diyusan, danga sida magpamabayi magpanlalaki, danga sida kumaun taguban hayup nu in-gut unman nakaluwang kay dugu ag danga waydi sida kumaun dugu.

Diyuturunumiyu 12:16

Dapat danga niyu pagkan-a kay dugu; uyanga niyu inda sa daga parihu ga danum.

Diyuturunumiyu 12:23

Basta pihuun lang niyu balaw niyu kan-un kay dugu, dahil sa dugu ti buhi. Danga niyu pagkan-a ti buhi kaibahan sa taguban.

Diyuturunumiyu 15:23

Dapat kailangan unman niyu kan-un ti dugu, nu unman uyanga niyu sa daga parihu ga danum.”

1 Samwil 14:32

Nakan nagdaldali sida nagdakup karanidu hanggan baka ginan sa kanda inaghas, ag ati yi ngap nida pag iniyaw tunda bag-u kinaun ti taguban may dugu di.

1 Samwil 14:33

May nagtultul sa kan Saul magkun, “Bantayi niyu, nagkasala sa Panginuun ti manga tawuhan niyu dahil nagkaun sida taguban may dugu waya.” Magkun si Saul, “Usa inda ka daka pag kasalanan! Paghanap kamu usa ka daka pag batu, ligidan ataytabug.

1 Samwil 15:23

Ti paglapastangan sa Panginuun ga maghiri kay ka daut ag ti kaganitan ulu ga magsamba sa diyus-diyusan kay ka daut. Dahil sa kanmu pagbugya sa bagaw Panginuun, binugyahan diman niya kawu bilang hari.”