Libitiku 19:2 - Hanunuu

² kuntay sabiha inda sa buu nasakupan Israil: Pagpangabuhi kamu may kabanalan dahil aku, ti Panginuun kanyu Diyus, banal.

Libitiku 19:2 Iomraidhean Croise

Kanta 99:3

Dumayaw ti manga tawu sa kanya dahil makamaskihan ag garalangun siya. Banal siya!

Pag-ighit 19:6

dapat piliun niku kamu hampay kang yi manga nasakupan, ag bumaliw kamu usa ka kaharian magsirbi sa kangku bilang manga manughandug.’ Inda ti sabihun nimu sa manga Israilita.”

Pag-ighit 22:31

“Kamu ti ipinablag pag manga nasakupan niku, nakan danga kamu magkaun taguban una hintay pag hayup minatay maisug hayup. Pakan-an niyu tunda sa idu.

Libitiku 19:1

Sinugu Panginuun si Muysis

Libitiku 20:26

Pagpangabuhi kamu may kabanalan dahil aku, ti Panginuun, banal. Itinalaga niku kamu ginan sa kadamlan tawu hampay sa kangku kamu.

Libitiku 20:7

Itigana niyu kanyu sadili para sa kangku ag pagpakabanal kamu dahil aku ti Panginuun kanyu Diyus.

Libitiku 21:15

Sa siyun pag paraan balaw kilalan-un mayagting kay manga anak. Aku ti Panginuun ti nagtalaga sa kanya para sa kangku.

Libitiku 21:8

Kailangan kilalan-un kamu banal niyu kaparihu Israilita dahil kamu ti naghandug manga handug para sa kangku. Hu, kailangan gid ngap kamu kilalan-un nida banal dahil aku, ti Panginuun, banal gid, ag pagbuwatun niku banal kang manga nasakupan.

Amus 3:3

Mahimu aw lugud manmirinsanan ti duwa ka tawu sa maglakaw nu balaw sida magkarausa?

Matiyu 5:48

Nakan ngani kailangan ilubus niyu kanyu kaayadan parihu sa kanyu Ama sa langit.”

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Ipisu 1:4

Udwaya nalalang ti kalibutan, daan kita pinili pinausa Diyus sa kan Kiristu hampay kita manga sakup yi Diyus ag udyi may ikasaway sa kay magbantay niya. Dahil sa kay pagmahal Diyus,

Diyuturunumiyu 27:10

Sunda niyu ti Panginuun niyu Diyus ag tupada ti tanan niya manga sugu hanggan surundanun kang pag-ipakaun sa kanyu taynguna.”

Huswi 24:19

Magkun si Huswi sa manga tawu, “Unman kamu makasirbi sa Panginuun dahil banal siya pag Diyus ag balaw niya gustu may pagsambahun kamu tuhay. Unman niya baliwalaun kanyu maralaban ag manga kasalanan.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.