Libitiku 19:19 - Hanunuu

¹⁹ Tupada niyu kang manga sugu. Danga niyu pagpalahii ti usa ka hayup sa balaw kay kaparihu pag hayup. Danga kamu magtanum duwa ka kalasi binhi sa usa ka tanman. Danga kamu magsulung rutay binwat ginan sa duwa ka kalasi pisahan.

Libitiku 19:19 Iomraidhean Croise

Gimpuunan 36:24

Ti manga anak lalaki ni Sibyun sida ni Aya ni Ana. Si Ana ti nakakit bulbugan ati sa pangawakawaan habang magbantay siya manga asnu niya ama.

2 Samwil 13:29

Nakan minatay ngani manga tawuhan ni Absalum si Amnun angay sa kay sugu. Kadaka sinmakay ti iba ka anak lalaki hari sa kanda sadili mula ag nalagiw.

2 Samwil 18:9

Sa tunda katpung girahan, nasulang ni Absalum ti manga tawuhan ni Dabid, ag nalagiw siya masakyan sa mula. Ag habang magsuyuk-suyuk siya sa sirung malalangba pag sanga daraka puun kayu insina, nisangit kay ulu sa sanga. Parargu kay palagiw ti mula ag natayak siya mabitinan sa puun kayu.

1 Hari 1:33

bag-u magkun ti hari sa kanda, “Pasakyan niyu kang anak si Sulumun sa kang mula, ag daran-a niyu siya hanggan kang manga manugpamahala tag sa Gihun.

Libitiku 18:4

Kailangan niyu sundun kang manga sugu hanggan manga surundanun, dahil ti magtupad inda magkaimaw buhi. Aku ti Panginuun kanyu Diyus.

Libitiku 20:8

Tupada niyu kang manga surundanun dahil aku ti Panginuun ti nagtalaga sa kanyu para sa kangku.

Libitiku 22:31

Tupada niyu kang manga sugu. Aku ti Panginuun.

Libitiku 25:18

Sunda gid niyu kang manga surundanun hanggan manga sugu hampay mabuhi kamu may kahusayan sa daga kanyu ulian ag dayu kamu maduraan karan-unun dahil sa abunda pag manga patubas sa daga.

Lukas 5:36

Itinultul ni Hisus inda pag pahalimbawa magkun, “Unman may maggitas bag-u lambung ilupun sa daan, dahil nu tida kay buwatun, dinaut niya kay bag-u lambung. Ti bag-u panlupun dayu diman umangay sa daan.

Ruma 11:6

Pinili ngani sida dahil sa kay pangaawa Diyus, balaw dahil sa kanda sadili buwat. Nu abi pinili sida dahil sa kanda sadili buwat, balaw yi masabi kuntay sa kay pangaawa Diyus.

Diyuturunumiyu 4:1

Bag-u magkun si Muysis sa manga Israilita, “Patingihi niyu kaayad ti pag itudlu niku sa kanyu pag manga sugu hanggan surundanun. Sunda niyu inda hampay mabuhi kamu ag makapangulian sa pag-ipakaun Panginuun pag daga sa kanyu, ti Diyus niyu manga ginurang.

Diyuturunumiyu 4:5

“Pag-itudlu niku sa kanyu ti ipinakaun Panginuun niku Diyus sa kangku pag manga sugu hanggan surundanun hampay kanyu sundun nu rumas-ug kamu sa patabgan niyu pag daga ag ulianan.