Libitiku 19:17 - Hanunuu

¹⁷ Danga niyu pagkagaliti kanyu kaparihu. Paalalahani niyu siya nu nagsalan hampay unman kamu may saragtun.

Libitiku 19:17 Iomraidhean Croise

Gimpuunan 27:41

Pagtimaan ni Isaw si Hakub dahil sa ipinakaun papalad niya ama sa kan Hakub. Magkun si Isaw sa kay sadili, “Arani yi mamatay si amang; nu tigbak yi siya, matyun niku kang patar-ari si Hakub.”

2 Samwil 13:22

Ag una unman may binanggit si Absalum sa kan Amnun tungkul sa kay binwat sa kay patar-ari, pagkadat-an niya siya sa makakaray-a pag binwat sa kay patar-ari sa kan Tamar.

Nihimyas 13:17

Nakan sinungyaw niku ti manga takinan Huda ag sinabihan, “Hintay inda pag kadautan kanyu binwat? Unman aw niyu pagkilalan-un banal ti Sirang Pamahari?

Kanta 141:5

Tanggapun niku ti parusa ag pagsungyaw tawu matadlung, dahil pagbuwatun nida inda may pagmahal ag may pasunaid sa kangku. Inda ga lana ulibu sa kang ulu. Dapat sa daut pag manga tawu pirmi aku magdarangin laban sa kanda daut pag buwatun.

Kabagawan 9:8

Danga pagsungyawa ti tawu magpuya dahil kagalitan kawu niya. Sungyawa ti madunung pag tawu ag mahalun kawu niya.

Lukas 17:3

Pagdahan kamu. “Nu magkasala kanmu patar-ari sa kanmu, tamyawa siya bag-u nu iampu niya kay kasalanan, patawadun nimu siya.

Ruma 1:32

Naalaman diman nida ti ibinilin Diyus magkun, kailangan matyun ti magbuwat katunda. Dapat ay magparargu di ngap sida sa pagbuwat daut. Magbaya waya sida nu maghiling sida sa manga iba magbuwat katunda waydi.

1 Kurintu 5:2

Bag-u kamu manga palabi-labihun di, ag unman kamu magruku nu nagkasala ti usa ka patar-ari, hampay mipalwas mana ginan sa kanyu ti nagbuwat katunda pag kasalanan.

Galasya 6:1

Manga patar-ari, nu may naabutan kamu tawu magbuwat kasalanan, kailangan sa kanyu tunda ti manga tuludluan Ispiritu ti pagtadlung sa kanya, dapat pagmaalumanay kamu ti kada usa. Pagpasunaid sa kanyu sadili bilug barang kamu matuksu waydi.

Ipisu 5:11

Danga kamu magpasalbug sa manga tawu magbuwat sa balaw ikamayad, sa manga ugali sakup sa kadudulman. Bagkus ngap ipaburayhaw niyu ti daut nida manga buwat.

1 Timutiyu 5:20

Nu may tawu magbuwat kasalanan, bilini nimu sida sa mag-adnugan tanan manga patar-ari hampay ti manga iba magkadala maghuwad.

1 Timutiyu 5:22

Danga magkadaldali sa magkupa kamang una sa kantapu hampay pakan-an siya katungkulan sa iglisya. Pagdahan kawu sa dayu kawu maabay sa kasalanan manga iba. Pagpirmi kawu unman may huput kasalanan.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Titu 1:13

Balaw salan kay pagsabihun. Nakan paanyuan nimu sida sa mahigpit hampay mangugali sida sa maayus angay sa kanda pagsarig,

Titu 2:15

Itudlu yi ngani nimu inda tanan, ilubus nimu kanmu karampatan sa kanmu magparig-un hanggan sa kanmu magtamyaw sa manga manugpatingi. Danga pakan-an nimu sida kaluagan hampay maghakut diman sa kanmu.

1 Huwan 2:11

Dapat ti tawu nu magkagalit sa kay patar-ari, sa basad kadudulman waya siya. Maglakaw waya siya sa basad madlum ag unman niya alam kay patabgan nu naan, dahil binuta kadudulman kay manga mata.

1 Huwan 2:9

Nu may tawu magsabi kuntay siya sa marayaw yi, bag-u magkagalit diman sa kay patar-ari, siya sa kadudulman waya ngap hanggan kainda tugka.