Libitiku 19:15 - Hanunuu

¹⁵ Kailangan hustu ag matadlung kanyu maghusay; danga niyu pagkampihi ti mayaman ngatay ti pugri.

Libitiku 19:15 Iomraidhean Croise

Hub 13:8

Pagbaliwahan aw niyu siya, ga pag-apinan niyu sa talaghusay?

Hub 32:21

Unman aku may baliwahan ngatay dayawun.

Hub 34:19

Unman siya may pagpalabihun manga takinan, ag unman niya pagbaliwahan ti manga mayaman kaysa pugri, dahil sida tanan parihu niya linalang.

Kanta 82:2

Magkun siya, “Tugka waya lugud kapira kamu manhusay balaw matadlung? Tugka waya lugud kapira niyu pag paangayan ti manga daut?

Pag-ighit 18:21

Dapat pagpili kawu manga tawu makaawat sa kanmu. Kailangan may imaw sida kakayahan maghusay, may dala sa Diyus, makatiwalaan, ag unman magtanggap suhul. Buwatun nimu sida tagahusay sa kada gurupu sa tig 1,000, 100, 50 ag 10 ka tawu.

Kabagawan 18:5

Balaw mayad tigkampi sa nagkasala ag ti unman pag-ayaw katadlungan sa unman may kasalanan.

Kabagawan 24:23

Inda waya gid ti iba ka manga kabagawan madunung pag tawu: Balaw mayad ti may pagpiliun sa pagpihu sa katadlungan.

Kabagawan 31:9

Pagsintinsiya kawu sa balaw may pagkilingan, ag apini ti karampatan manga pugri.

Libitiku 19:35

Danga kamu magdaya sa kanyu magkilu, ag magsukat, hanggan magtakal.

Huwan 7:24

Danga yi pagpihua niyu ti daut ti mayad angay lang sa kanyu makitan sa mata. Pihua niyu ti daut ti mayad angay sa katutuuhanan.”

Binwat 23:3

Bag-u sinabi ni Pablu sa kanya magkun, “Pihu kawu sampalun waydi Diyus, kawu ga lingub binarnisan malagti. Matukawan kawu asan pumihu mana sa kasalanan niku angay sa Kasuguan. Bati ipinasampal nimu aku, madi labag tunda sa Kasuguan?”

Diyuturunumiyu 1:17

Kailangan unman kamu may baliwahan sa kanyu magsintinsiya; parihu niyu patingihan ti manga makuri hanggan ti mayaman. Danga kamu magkadala una sa kantapu, dahil ginan di sa Diyus ti manga pasya niyu pagbuwatun. Nu makuri sa kanyu ti kasu, daran-a niyu sa kangku bag-u aku yi ti bahala sumintinsiya.’

Diyuturunumiyu 10:17

Dahil ti Panginuun niyu Diyus imaw ti Diyus manga diyus ag ti Panginuun manga panginuun. Makamaskihan siya ag makadululaw pag Diyus. Unman siya may pagpalabihun angay sa kahamtangan tawu ag unman magtanggap suhul.

Diyuturunumiyu 16:19

Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Diyuturunumiyu 27:19

“Saadan ti balaw magpakaun matarung sa manga balaw Israilita, sa manga ilu hanggan sa manga buranday babayi.” Bag-u sumagut ti tanan tawu, “Amin!”