Libitiku 18:21 - Hanunuu

²¹ Danga nimu ipakaun kanmu anak bilang handug sa diyus-diyusan si Muluk, dahil paglapastangan tunda sa kangku sa kanmu Diyus. Aku ti Panginuun.

Libitiku 18:21 Iomraidhean Croise

1 Hari 11:33

Buwatun niku inda dahil binugyahan niya aku ag sinamba niya si Astarut, ti diyus manga Siduniyu, si Kimus, ti diyus manga Muabita, ag si Muluk, ti diyus manga Amunita. Unman siya nagsunud sa kang kagustuhan ag unman nangabuhi matadlung sa kang atubangan. Unman siya nagsunud sa kang manga surundanun ag manga sugu; balaw ga kay ama sa ga kan Dabid.

1 Hari 11:7

Nagpabuwat si Sulumun simbahan sa abwat pag rugar, baliwa sa butlakan Hirusalim, para sa kan Kimus, ti daut pag diyus manga Muabita. Nagpabuwat diman siya simbahan para sa kan Muluk, ti mayagting pag diyus manga Amunita.

2 Hari 16:3

Nagsunud siya sa pag-ugaliun manga hari Israil, ag una ngani kay anak ihinandug niya sa apuy. Hinuwad niya ti mayagting pag manga pagbuwatun manga nasyun ipinalayas Panginuun sa panab-anan manga Israilita.

2 Hari 17:31

Ti ginan sa Abim nagsamba sa kanda diyus-diyusan si Nibas ag si Tartak. Ti ginan sa Siparbaim nagsamba sa kanda diyus-diyusan si Adramilik ag si Anamilik; sinunug waya nida kanda manga anak bilang sagda sa inda pag manga diyus-diyusan.

2 Hari 21:6

Isinagda niya kay sadili pag anak sa apuy. Binwat diman niya ti manga pagbuwatun manga panhirian hanggan manga manugpintu, ag nagpaingana siya sa manga pandaniwan maghampang sa karadwa manga namatay. Subra gid kay kasalanan sa Panginuun, pag-ikagalit inda Panginuun.

2 Hari 23:10

Ipinadaut diman ni Husyas ti harandugan sa Tupit, sa Luung Bin Hinum, hampay unman may manhandug ati kanda manga anak sa apuy para sa kan Muluk.

2 Krunika 28:3

Nagsunug siya manga handug sa Luung Bin Hinum, ag ihinandug gid ngap niya sa apuy kay manga anak lalaki. Sinunud niya ti mayagting pag manga buruwatun manga nasyun ipinalayas Panginuun sa panab-anan manga Israilita.

Hirimyas 19:5

Nagpatindug sida manga simbahan para sa kan Baal, ati nida pagsunugun kanda manga anak bilang handug sa kanya. Balaw gid inda pag-isugu niku sa kanda; balaw diman inda sinmulud sa kang isip.

Hirimyas 32:35

Nagpatindug sida manga simbahan para kan Baal ati sa Luung Bin Hinum, ati diman nida pag-isagda sa kan Muluk kanda manga anak. Balaw niku inda pag-isugu sa kanda; balaw diman inda sinmulud sa kang isip kuntay buwata nida inda pag mayagting pag bagay imaw ti pinun-an kasalanan manga taga Huda.

Hirimyas 7:31

Nagpatindug diman sida simbahan sa abwat pag rugar sa Tupit, sa Luung Bin Hinum, hampay ati pagsunugun nida kanda manga anak bilang handug. Balaw niku inda pag-isugu sa kanda, balaw diman inda sinmulud sa kang isip.

Isikil 20:26

Pinabay-anan diman niku sida dagtaan nida kanda sadili sa panab-anan nida manga handug sa manga diyus-diyusan kaibahan yi sitay ti pagsagda nida kanda panganay pag manga anak lalaki. Pinahintulutan niku inda hampay umalinlangan ag madala gid sida bag-u maalaman nida aku ti Panginuun.’

Isikil 20:31

Taynguna pagdagtaan niyu kanyu sadili sa panab-anan pagsagda sa kanyu manga diyus-diyusan kaibahan yi ti pagsagda niyu sa kanyu manga anak lalaki sa apuy. Nakan nasakupan Israil, aku, ti Panginuun Diyus buhi, balaw gid mamakaun payu sa kanyu una waya manhagad kamu.

Isikil 23:37

Dahil nanguragin sida ag nanpanmatay. Nanguragin sida sa pagsamba sa manga diyus-diyusan, ag kanda manga anak, ipinablag nida sa kangku katpung iinanak sida, ihinandug nida sa manga diyus-diyusan bilang karan-unun inda.

Libitiku 19:12

Danga kamu magsumpa sa kapudilan tabug sa kang ngaran, dahil nu buwatun niyu inda paglapastanganun niyu kang ngaran. Aku ti Panginuun.

Libitiku 21:6

Kailangan italaga niyu kanyu sadili para sa kangku, sa kanyu Diyus, ag danga niyu pagpakay-aha kang ngaran. Buwata niyu inda dahil kamu ti manughandug manga handug sa panab-anan apuy, imaw kang karan-unun.

Libitiku 22:2

kuntay sabiha inda sa kan Aarun hanggan sa kay manga anak lalaki: Danga niyu pagpakay-aha kang banal pag ngaran, nakan galanga niyu ti manga handug isanagda manga Israilita sa kangku. Aku ti Panginuun.

Libitiku 22:32

Danga niyu pagpakay-aha ti banal niku pag ngaran, ag kilalan-un niyu aku banal. Aku ti Panginuun ti nagtalaga sa kanyu para sa kangku,

Libitiku 24:15

Ag sabihi nimu ti manga Israilita kuntay una si unu sa kanda hanggan sa manga balaw Israilita ti mag-ulian kaibahan nida nu magsaad sa kangku aw ngatay magpuya sa kang ngaran may saragtun gid siya. Kailangan bintukun siya buu nasakupan Israil tugka sa mamatay.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Amus 5:26

Bag-u taynguna pagdara-darahun waya niyu si Sakut, ti diyus-diyusan kanyu pagbaliwun hari, ag si Kaywan, kanyu diyus-diyusan pamgasan. Binwat niyu inda pag manga histuda hampay sambahun.

Mikas 6:7

Makabaya aw nguna ti Panginuun nu handugan niku siya linibu-libu karanidu ag magralapwas pag lana ulibu? Ihandug aw nguna niku sa kanya kang anak panganay bilang kabaydanan niku manga kasalanan?”

Malakyas 1:12

Dapat kamu, pagpakay-ahun niyu kang ngaran magkumun kamu mauring kang harandugan ag unman may pulus ti manga pag-isagda ati.

Binwat 7:43

Unman magkalimtan niyu ti payag niyu diyus-diyusan ni Muluk, dinaradara diman niyu ti histuda pamgasan niyu diyus-diyusan ni Ripan. Manga diyus-diyusan tunda tinarabahu niyu kamang, hampay sambahun. Nakan kang tulakun kamu tabug sa arayu, sa un-an waya Babilunya pag daga.’

Ruma 1:23

Tinalikdan nida ti mamaski pag Diyus unman may kamatayan, kanda ngap pagsambahun ti manga ilinarawan pag manga tawu may kamatayan, manga manuk, manga hayup, manga iyay magyapang.

Ruma 2:24

Nakan ngani nisurat sa Kasuratan magkun, “Ti ngaran Diyus pagpuyaan manga balaw Hudiyu dahil sa kanyu.”

Diyuturunumiyu 12:31

Danga gid niyu pagbuwata inda sa kanyu magsamba sa Panginuun niyu Diyus, dahil sa kanda magsamba pagbuwatun nida ti tanan daut pag manga bagay pagkagalitan Panginuun. Pagsunugun diman nida kanda manga anak bilang handug sa kanda manga diyus.

Diyuturunumiyu 18:10

Kailangan unman may una di usa sa kanyu ti magsunug kay anak bilang handug. Ag danga diman kamu maghula, magtultul kahulugan manga tanda, maghiri, magsalumangka, magbuwat manga buruwatun manga pandaniwan ngatay tihulan ag magpaingana sa karadwa manga namatay.