Libitiku 18:16 - Hanunuu

¹⁶ Danga kawu mag-ulid sa kanmu bayaw babayi dahil makapakaun inda kakay-ahan sa kanmu patar-ari.

Libitiku 18:16 Iomraidhean Croise

Libitiku 20:21

Nu ti usa ka lalaki mangulid sa asawa niya patar-ari, pinakay-a niya kay patar-ari. Ag dahil mauring kanda binwat, mamatay lang sida unman may anak.

Matiyu 22:24

“Maisturu, itinudlu ni Muysis, nu mamatay ti usa ka lalaki balaw may anak, kay patar-ari kailangan mag-asawa sa buranday hampay may anak sida imaw ti makamana sa kay pinagkagurang kayamanan.

Markus 12:19

“Maisturu, nagsurat si Muysis bilin sa kanta magkun, ‘Ti magtar-ari lalaki nu ti usa mamatay natayak kay asawa babayi dapat unman may anak, kay patar-ari kailangan mag-asawa sa buranday hampay may anak sida imaw ti makamana sa kay pinagkagurang kayamanan.’

Markus 6:17

Si Hirudis ngani ti nagpadakup, nagpagapus ag nagpapirisu sa kan Huwan, dahil sa kan Hirudiyas, kay asawa ni Pilipi kan Hirudis patar-ari. Inagaw nakan ni Hirudis si Hirudiyas ginan sa kan Pilipi.

Lukas 3:19

Tinamyaw diman ni Huwan si Hirudis ti Gubirnadur Galiliya, dahil inagaw niya kay patar-ari asawa, si Hirudyas, ag dahil sa tanan kay binwat daut ni Hirudis.

Diyuturunumiyu 25:5

“Nu ti magtar-ari lalaki mag-uli sa usa lang ka rugar, ag namatay ti usa sa kanda unman may anak, kay asawa kailangan balaw mag-asawa sa iba sa bukun katawuhan niya asawa. Ti patar-ari niya asawa ti umasawa sa kanya. Katungkulan niya inda sa kanya.