Libitiku 17:8 - Hanunuu

⁸ Kamu pag manga Israilita hanggan pag manga day-uhan mag-ulian kaibahan niyu, tandai gid niyu inda: Una si unu sa kanyu ti manhandug una hintay pag handug sa iba pag rugar

Libitiku 17:8 Iomraidhean Croise

2 Samwil 24:25

Bag-u nagbuwat siya ati harandugan para sa Panginuun ag naghandug manga handug pagsunugun hanggan manga handug para sa mayad pag pakiusa. Dinungug Panginuun kay darangin ni Dabid para sa Israil, ag inmapas ti sarut.

Libitiku 17:10

Una si unu sa kanyu pag manga Israilita hanggan pag manga day-uhan, ti kumaun dugu pihu bumaliw kalaban Panginuun ag danga yi pagkilalan-a nasakupan niyu.

Libitiku 17:4

ag balaw sa Turda Tiripnan pag-ingarnan diman Turda Taragbuan, parihu lang sa nakamatay siya tawu, nakan danga yi siya pagkilalan-a nasakupan niyu. Ipinatupad inda pag surundanun hampay kanyu maghandug ati niyu pag buwatun sa may arani sabian Turda ag balaw sa iba pag rugar. Kanyu manga handug para sa mayad pag pakiusa ipakaun niyu sa manughandug, siya ti manhandug sa Panginuun.

Libitiku 17:7

Nakan danga yi kamu maghandug sa manga labang ga histuda kambing, dahil imaw inda ti pumakarayu sa kanyu sa Panginuun. Kailangan tupadun niyu inda tugka sa sunud pag manga sinulput tawu.

Libitiku 17:9

ag balaw sa may sabian baliwa Turda, danga yi pagkilalan-a nasakupan niyu.

Libitiku 3:7

Nu karanidu kay ihandug sa atubangan Panginuun,

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Huswi 22:11

Taynguna, nabaritaan iba manga Israilita nagpatindug harandugan arani sa Sapa Hurdan sa dipay Israilita, sa katugkaan Kanaan sa Gililut, ti lahi nida ni Rubin, ni Gad, ag katunga lahi ni Manasis. Nakan nagtipun sida sa Silu hampay mansalakay laban sa kanda.

Huswi 22:15

Pagras-ug nida sa Gilyad, magkun sida sa lahi ni Rubin, ni Gad, ag sa katunga lahi ni Manasis,

Huswi 22:16

“Gustu maalaman tanan nasakupan Panginuun nu hayga kamu pinmatlikud sa Diyus Israil. Naglaban kamu sa Panginuun sa pagpatindug niyu harandugan para sa kanyu sadili. Unman yi kamu magsunud sa kanya.

Talaghusay 6:26

Pagkatapus, pagpabuwat kawu hustu pag harandugan para sa kangku, ti Panginuun nimu Diyus, sa tungud bantud inda. Bag-u ihandug nimu sa kangku ti tudu baka bilang handug pagsunugun. Ag gamita pan-gatung ti tulduk ni Asira kanmu pinanpulud.”

1 Samwil 10:8

“Pag-una yi kawu sa kangku ati sa Gilgal. Dumasun lang aku sa kanmu hampay manhandug manga handug pagsunugun hanggan manga handug sa mayad pag pakiusa. Dapat alagda nimu aku asan sa sulud pitu ka sirang hanggan sa ud rumas-ug aku. Bag-u itultul niku sa kanmu ti tanan nimu buruwatun.”

1 Samwil 16:2

Dapat magkun si Samwil, “Kabitay aku umatag? Nu maalaman inda ni Saul, pihu gid matyun niya aku.” Magkun ti Panginuun, “Pagdara kawu usa ka dumaraga baka atag sa Bitlihim, bag-u sabihun nimu sa manga tawu kuntay atabug kawu hampay manhandug sa Panginuun.

1 Samwil 7:9

Bag-u nagbuul si Samwil usa ka anak karanidu ag kay sinunug bilugan bilang handug pagsunugun para sa Panginuun. Nagdangup siya sa Panginuun hampay awatan ti manga Israilita. Dinungug Panginuun kay darangin.