Libitiku 17:4 - Hanunuu

^4-5 ag balaw sa Turda Tiripnan pag-ingarnan diman Turda Taragbuan, parihu lang sa nakamatay siya tawu, nakan danga yi siya pagkilalan-a nasakupan niyu. Ipinatupad inda pag surundanun hampay kanyu maghandug ati niyu pag buwatun sa may arani sabian Turda ag balaw sa iba pag rugar. Kanyu manga handug para sa mayad pag pakiusa ipakaun niyu sa manughandug, siya ti manhandug sa Panginuun.

Libitiku 17:4 Iomraidhean Croise

Gimpuunan 17:14

Una si unu sa kanyu pag lalaki ti balaw tinuri danga niyu pag turingan linahi niyu dahil binul-an nida halaga ti kasunduan niku.”

Kanta 32:2

Mapalad ti tawu kay manga kasalanan balaw yi pag-ibilang Panginuun laban sa kanya ag unman siya may pag-itagu kasalanan sa kay tagipusuun.

Pag-ighit 12:15

Sa sulud pitu ka sirang, kumaun kamu tinapay unman may pamadaka. Sa un-an pag sirang, bul-a niyu ti tanan pamadaka sa kanyu balay, dahil una si unu ti kumaun tinapay may pamadaka ginan sa un-an tugka sa ikapitu pag sirang balaw yi sakup sa Israil.

Pag-ighit 12:19

Sa sulud pitu ka sirang, kailangan unman may makitan pamadaka sa kanyu balay. Una si unu ti kumaun tinapay may pamadaka, Israilita man ngatay balaw Israilita, balaw yi sakup sa Israil.

Pag-ighit 30:33

Una si unu pag balaw manughandug ti bumuwat inda pag lana ngatay ti gumamit inda una sa kantapu, danga yi pagkilalan-a nasakupan niyu.”

Pag-ighit 30:38

Una si unu ti bumuwat inda hampay gamitun pamanglu danga yi pagkilalan-a nasakupan niyu.”

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Isikil 20:40

Dahil ati sa kang banal pag bantud, sa abwat pag bantud Israil, ti tanan nasakupan Israil sumirbi sa kangku. Ati tanggapun niku kamu ag hilingun pagsagda tuhay-tuhay pag manga handug ag pinakamarinu pag manga pamakaun ag banal pag handug.

Libitiku 1:3

Nu baka kay ihandug bilang handug pagsunugun, kailangan lalaki inda ag unman may alangan. Ihandug niya inda sa may arani sabian Turda Taragbuan, hampay sa panab-anan inda pag handug tanggapun siya Panginuun.

Libitiku 17:10

Una si unu sa kanyu pag manga Israilita hanggan pag manga day-uhan, ti kumaun dugu pihu bumaliw kalaban Panginuun ag danga yi pagkilalan-a nasakupan niyu.

Libitiku 17:14

dahil ti buhi kada linalang asan sa kay dugu pag maulian. Nakan ngani magkun ti Panginuun sa kanyu danga kamu magkaun dugu sa una hintay pag linalang; una si unu ti kumaun danga yi niyu ibilang sa kanyu kasimanwa.

Libitiku 17:3

Una sitapu sa kanyu ti manhandug baka, karanidu, ngatay kambing sa iba rugar,

Libitiku 17:9

ag balaw sa may sabian baliwa Turda, danga yi pagkilalan-a nasakupan niyu.

Libitiku 18:29

Una si unu ti bumuwat tunda pag manga mahalay pag buruwatun, danga yi pagkilalan-a nasakupan niyu.

Libitiku 20:18

Nu ti usa ka lalaki mangulid sa babayi magkadugu bag-u pinmasnu ti babayi, danga yi niyu sida duwa pagkilalan-a nasakupan niyu.

Libitiku 20:3

Pagkagalitan niku tunda pag tawu, danga yi siya pagkilalan-a nasakupan niyu. Dahil sa pagsagda niya kay anak sa kan Muluk, inuringan niya ti rugar sarambahan para sa kangku ag balaw iginalang kang banal pag ngaran. Nu pabay-anan lang niyu tunda pag tawu, ag balaw minatay,

Libitiku 3:2

Ikupa niya kay kamang sa ulu baka, ag iyawun niya tunda ati sa arani sabian Turda Taragbuan. Kay dugu tunda iwidwisik manga manughandug lahi ni Aarun ati sa sangput harandugan.

Libitiku 7:18

Nu may mangaun waya sa taguban sa ikatlu pag sirang, balaw yi tanggapun Panginuun tunda pag handug ag unman yi may pulus kay ihinandug. Kilalan-un mayagting ti handug ag magkaimaw waya saragtun ti makakaun.

Huwan 10:7

Sinabi maan ni Hisus sa kanda magkun, “Ungud duy kang pagsabihun sa kanyu, aku ti puwirtahan manga karanidu.

Huwan 10:9

Aku ti puwirtahan. Una hintay pag tawu nu sumulud lakaw sa kangku, siya maribri. Sumulud siya lumuwas ag makakit siya karan-unun.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Ruma 4:6

Inda imaw yi ngani pagka sinabi ni Dabid kuntay papaladan Diyus ti tawu nu kinilala siya Diyus matadlung balaw dahil sa kay manga binwat mayad.

Ruma 5:13

Dahil udwaya ipinakaun ti Kasuguan daan di sa kalibutan ti kasalanan. Dapat ay lang nu unman may Kasuguan unman may saragtun ti tawu tungkul sa kay kasalanan.

Ruma 5:20

Ipinakaun ti Kasuguan hampay yumamu ti maglabag. Dapat nu nagyamu ti kasalanan, lalu man daka kay pangaawa Diyus.

Diyuturunumiyu 21:8

Ungud Panginuun, patawada di duy kanmu manga nasakupan Israilita, ti kanmu irinibri sa Ihiptu. Danga kami pagsukta sa inda pag kamatayan tawu unman may salan.’ Bag-u unman yi sida may saragtun sa kamatayan sa tunda pag tawu.