Libitiku 17:11 - Hanunuu

¹¹ Dahil ti buhi kada linalang ati sa kay dugu ag isinugu Panginuun sa kanyu kuntay gamitun niyu inda hampay malukat kamu sa kanyu manga kasalanan, dahil ti dugu imaw ti magpakaun buhi, imaw ti makalukat sa tawu ginan sa kay manga kasalanan.

Libitiku 17:11 Iomraidhean Croise

Gimpuunan 9:4

Dapat danga niyu pagkan-a ti hayup balaw linmuwas kay dugu sa kay pagkamatay, dahil ti dugu pahalimbawa buhi.

Libitiku 1:5

Bag-u iyawun niya tunda pag hayup sa atubangan Panginuun. Ag kay dugu tunda iwidwisik manga manughandug lahi ni Aarun sa sangput harandugan, arani sa may sabian Turda Taragbuan.

Libitiku 16:11

Iyawun ni Aarun ti turiti baka bilang handug sa paglumpiyu kay sadili hanggan sa kay magtal-anakan.

Libitiku 17:12

Inda kay dahilan nu hayga balaw kamu dapat kumaun dugu, una Israilita hanggan pag manga day-uhan.

Libitiku 17:14

dahil ti buhi kada linalang asan sa kay dugu pag maulian. Nakan ngani magkun ti Panginuun sa kanyu danga kamu magkaun dugu sa una hintay pag linalang; una si unu ti kumaun danga yi niyu ibilang sa kanyu kasimanwa.

Libitiku 4:25

Bag-u isawsaw manughandug kay ituturu sa dugu kambing ag ipayid niya sa manga ga sungay sa suuk harandugan handug pagsunugun. Ti nasawad pag dugu ibuhus niya sa sirung harandugan.

Libitiku 4:26

Sunugun niya ti tanan taba sa harandugan parihu sa binwat niya sa kabag-u sa manga taba hayup pag handug para sa mayad pag pakiusa. Sa panab-anan inda pag buwat manughandug, malukat tunda pag takinan sa kay kasalanan ag patawadun siya Panginuun.

Libitiku 8:15

Iniyaw ni Muysis ti baka ag namuul siya kay dugu. Kay isinawsaw kay ituturu sa dugu bag-u ipinayid niya sa manga sungay sa suuk harandugan hampay malumpiyu inda. Ti nasawad pag dugu kay yi inuyang sa sirung harandugan. Katida ngani kay nagtalaga harandugan para sa Panginuun hampay karapat-dapat handugan panlukat sa kasalanan.

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 26:28

Dahil inda kang dugu itinalaghut Diyus sa taratu. Ibuhus kang dugu sa ikapatawad manga kasalanan mayamu tawu.

Markus 14:24

Bag-u sinabi niya sa kanda, “Inda kang dugu magpatutuu sa taratu Diyus. Ibuhus kang dugu alang alang sa mayamu tawu.

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 5:9

Taynguna kita kinilala Diyus kuntay manga matadlung ginan sa kan Kiristu dugu. Lalu waya pihu kita miribri ginan sa kay pangagalit Diyus sa panab-anan buhi ni Kiristu.

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Diyuturunumiyu 12:23

Basta pihuun lang niyu balaw niyu kan-un kay dugu, dahil sa dugu ti buhi. Danga niyu pagkan-a ti buhi kaibahan sa taguban.

Kulusas 1:14

Dahil sa Anak, ipinatawad yi kanta manga kasalanan ag irinibri kita.

Kulusas 1:20

Minahal niya ti buu kalibutan hampay miusa maan sa kanya sa panab-anan niya Anak. Sa panab-anan dugu ni Kiristu ibinuhus sa kay namatay sa kurus, pinausa Diyus tag sa kay sadili ti tanan bagay linalang una sa langit, una sa bagaw daga.

Hibriyu 13:12

Nakan una si Hisus nag-agwanta namatay sa luwas diman puwirtahan alad batu, hampay paglumpiyuhun ti manga tawu sa kanda manga kasalanan dahil sa kay dugu.

Hibriyu 9:22

Angay sa Kasuguan harus ngani ti tanan bagay paglumpiyuhun sa dugu, ag nu unman may nabuhus dugu, unman waydi may kapatawadan sa kasalanan.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.

Ipinakakit 1:5

Pagsa kanyu diman ti papalad ginan sa kan Hisu-Kiristu, imaw ti tutuu masarigan pag manugpadakit, ti un-an nabuhi uman ginan sa kamatayan, ti Hari tanan manga hari sa babaw daga. Pagmahalun niya kita ag dahil sa kay dugu pag irinibri niya kita sa kanta manga kasalanan.