Libitiku 16:3 - Hanunuu

³ Inda ti pag-isugu Panginuun sa kan Aarun buwatun sa udas sumaka siya sa Pinakabanal pag Sulud-sulud: Mandara siya turiti baka hampay ihandug bilang handug panlumpiyu sa kasalanan ag lalaki karanidu hampay ihandug bilang handug pagsunugun.

Libitiku 16:3 Iomraidhean Croise

Libitiku 1:10

Nu karanidu ngatay kambing waydi ti ihandug tawu bilang handug pagsunugun, kailangan lalaki inda ag unman may alangan.

Libitiku 1:3

Nu baka kay ihandug bilang handug pagsunugun, kailangan lalaki inda ag unman may alangan. Ihandug niya inda sa may arani sabian Turda Taragbuan, hampay sa panab-anan inda pag handug tanggapun siya Panginuun.

Libitiku 16:6

Ihandug ni Aarun ti turiti baka bilang handug panlumpiyu sa kasalanan hampay malumpiyu siya hanggan kay buu magtal-anakan.

Libitiku 4:1

Nagsugu waya gid ti Panginuun sa kan Muysis kuntay sabihi ti manga Israilita una si unu ti makalapastangan balaw tikis sa kay sugu, kailangan kaindaay kay buwatun:

Libitiku 4:3

Nu pangulu manughandug ti nagkasala balaw tikis, ag dahil siyun nadamay ti manga tawu, manhandug siya sa Panginuun turiti baka unman may alangan bilang handug sa paglumpiyu kasalanan.

Libitiku 8:14

Pagkatapus inda, ipinab-ul ni Muysis ti tudu baka handug sa paglumpiyu kasalanan. Bag-u itinungbaw ni Aarun hanggan niya manga anak kanda manga kamang sa ulu baka.

Libitiku 8:18

Siyun ginan, ipinab-ul ni Muysis ti usa ka karanidu lalaki bilang handug pagsunugun, bag-u itinungbaw ni Aarun hanggan niya manga anak kanda manga kamang sa ulu karanidu.

Libitiku 9:2

Magkun si Muysis sa kan Aarun, “Pagbuul kawu usa ka turiti baka hanggan usa ka lalaki karanidu parihu unman may alangan, bag-u handugan sa Panginuun. Tunda pag baka handug sa paglumpiyu kasalanan, ag ti karanidu handug pagsunugun.

Libitiku 9:3

Bag-u sabihun nimu sa manga Israilita pagdara sida lalaki kambing bilang handug sa paglumpiyu kasalanan. Pagdara diman sida baka hanggan karanidu parihu usa ka timpu kay idad ag unman may alangan bilang handug pagsunugun.

Hibriyu 9:12

Kas-a lang gid pag nagsaka si Kiristu ati sa Pinakabanal pag Sulud-sulud, udyi kailangan ulitun. Sa kay nagsaka may dara diman siya dugu hampay siya makaatubang sa Diyus, dapat balaw dugu kambing, balaw diman dugu ibun baka nu unman kay ngap sadili pag dugu. Nakan unman may katapusan kay kinamhan ati pag karibrihan sa kanta manga kasalanan.

Hibriyu 9:7

Dapat nu sa kay Pinakabanal pag Sulud-sulud ti pangulu lang manughandug sa Balay Diyus tigsaka kas-a lang sulud usa ka timpu. Kailangan siya may dara dugu hampay kay pag-isagda sa Diyus, panlukat sa kay sadili manga kasalanan hanggan sa manga iba kanda binwat balaw tikis pag kasalanan.