Libitiku 16:29 - Hanunuu

^29-31 Tunda ngani ti dapat buwatun manga taga Israil hanggan manga day-uhan mag-ulian kaibahan nida, tupadun nida inda hanggan waya aban. Sa ikasampulu pag sirang sa ikapitu pag bulan kailangan unman sida manhandum karan-unun ag danga diman magtarabahu, parihu sa Sirang Pamahari. Dahil sa tunda pag sirang buwatun nida ti tun-anun sa paglukat sa kanda ginan sa kanda manga kasalanan hampay malumpiyu sida sa atubangan Panginuun.

Libitiku 16:29 Iomraidhean Croise

1 Hari 8:2

Nag-atag sida tanan sa kan Hari Sulumun sa udas Pista Pagpatindug manga Payag, katpung bulan Itanim, imaw ti ikapitu pag bulan.

Isra 3:1

Pagka nagras-ug yi ti ikapitu pag bulan, katpung mag-ulian yi ti manga Israilita sa kanda manga banwa, nagtiripun sida tanan sa Hirusalim may pagkarausa.

Isra 8:21

Ati sa saruy sapa Ahaba, nagsabi aku sa gurupu kuntay unman manhandum karan-unun kami ag mamakumbaba kanmi sadili sa atubangan nimi Diyus hampay hagadun sa kanya bantayan niya kami sa kanmi lakawanun, hanggan kanmi manga anak ag manga kasiyunan.

Kanta 35:13

Dapat nu magkasakit sida, magpanruku aku sa panab-anan pagsulung saku ag magpauray. Ag nu kang darangin para sa kanda balaw pagsagtun,

Kanta 69:10

Nu maglumi aku ag magpauray, pagpakay-ahun nida aku.

Pag-ighit 12:16

Sa un-an ag sa ikapitu pag sirang, pagtiripun kamu hampay sumamba sa kangku. Danga kamu magtarabahu sa tida pag manga sirang, purya lang sa mag-alistu kanyu karan-unun, inda lang ti mahimu niyu buwatun.

Pag-ighit 20:10

dapat sa ikapitu pag sirang, ti Sirang Pamahari ialistu niyu para sa kangku, ti Panginuun niyu Diyus. Danga kamu magtarabahu sa tida pag sirang, hanggan kanyu manga anak, manga suruguun, manga hayup, ngatay ti manga day-uhan magpangulian kaibahan niyu.

Pag-ighit 30:10

Usa ka bisis kada timpu, kailangan lumpiyuhun ni Aarun ti harandugan sa panab-anan pagpayid dugu sa ga manga sungay sa suuk. Ti ipayid pag dugu ginan sa handug panlumpiyu. Kailangan inda buwatun kada timpu tugka sa sunud pag manga sinulput tawu, dahil inda pag harandugan pinakabanal gid para sa kangku.”

Pag-ighit 31:14

Hu, tupada niyu kang manga pag-ipabuwat sa Sirang Pamahari, dahil banal tunda pag sirang para sa kanyu. Una si unu ti dayu sumunud sa kang manga pag-ipabuwat sa tunda pag sirang kailangan gid matyun. Una si unu ti mantarabahu sa tunda pag sirang danga yi pagkilalan-a nasakupan niyu.

Pag-ighit 31:15

Buwatun niyu kanyu buruwatun sa sulud unum ka sirang, dapat sa ikapitu pag sirang pumahari gid kamu. Dahil banal inda pag sirang para sa kangku, una si unu ti manarabahu sa tunda pag sirang kailangan gid matyun.

Isayas 58:13

Alalahana niyu ti Sirang Pamahari. Danga kanyu lang sadili kahamtangan ti kanyu pag-isipun sa tunda pag pinakamahalaga pag sirang. Pahalgai niyu inda sa panab-anan pagpigil sa kanyu sadili manga kagustuhan hanggan ikabaya, ag pag-apas magbagaw baragawun ud may kabuluhan.

Isayas 58:3

Magkun waya sida sa kangku, ‘Balaw kami maghandum karan-unun, dapat unman diman waydi nimu pinansin. Pagpakurianan nimi kanmi sadili, dapat unman nimu pinahalgaan.’ “Kay tutuu, sa udas niyu unman maghandum karan-unun, kanyu sadili kagustuhan ti kanyu pag-isipun. Paglugihun niyu kanyu manugtarabahu.

Isayas 58:5

Sa kanyu balaw maghandum karan-unun, pagsaktan niyu kanyu sadili. Mayungduan kamu bilang labung kugun. Magsulung kamu rutay saku ag magpaigya sa dapug. Tida aw ti pag-ingarnan niyu balaw maghandum karan-unun? Kanyu isip makapasulung tunda sa kangku?

Danyil 10:12

Magkun waya siya sa kangku, “Danyil, danga kawu magkadala. Sa un-an di waya pag sirang sa kanmu pagpakumbaba sa Diyus ag sa kanmu kagustuhan masalman ti manga pangakakitun, sinagut yi Diyus kanmu darangin. Nakan nagsitay aku nagdara sagut sa kanmu darangin.

Danyil 10:3

Unman gid aku nangaun masarap pag karan-un ngatay taguban, unman diman aku nanginum intus, ag unman diman aku namauli pamanglu sa kang bilug tugka sa matapus ti tulu ka duminggu.

Libitiku 23:21

Sa tunda diman pag sirang danga kamu magtarabahu bagkus pagtiripun kamu hampay mansamba sa Panginuun. Inda pag surundanun kailangan tupadun niyu tugka sa sunud pag manga sinulput tawu, una naan kamu pag mangulian.

Libitiku 23:3

May unum kamu ka sirang sa pagtarabahu, dapat sa ikapitu pag sirang pagpahari kamu dahil imaw tunda ti Sirang Pamahari. Danga kamu magtarabahu sa inda pag sirang bagkus pagtiripun kamu hampay mansamba, dahil sa tunda pag sirang dayawun niyu ti Panginuun.

Libitiku 23:36

Sa sulud pitu ka sirang paghandug kamu sa Panginuun manga handug sa panab-anan apuy. Ag sa ikawalu pag sirang balaw diman kamu mantarabahu bagkus pagtiripun maan kamu pagsamba sa Panginuun, bag-u paghandug kamu sa kanya. Katapusan tunda pag sirang niyu tiripun.

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Bilang 29:7

“Sa ikasampulu pag sirang sa ikapitu pag bulan, pagtiripun kamu pagsamba sa Panginuun. Kailangan unman maghandum karan-unun kamu ag danga gid magtarabahu.

Binwat 27:9

Nadugayan yi kami sa kanmi lakaw, nakalawuy yi paman ti Kasirangan Paglukat. Dilikadu yi gid nu lumakaw waya ti bangka.

1 Kurintu 11:31

Dapat ay nu kita mag-usisa sa kanta sadili bilug ngatay may kasalanan, balaw kita sintinsiyahan Diyus.

Hibriyu 4:10

Dahil ti tawu nu nakaslud nakasamit sa kaariwayahan sa kay arani Diyus, maariwaya yi waydi sa kay manga buwat parihu sa Diyus nakapahari sa kay manga buwat.

1 Samwil 7:6

Pagka sida nagtipun yi ngani sa Mispa, nanaas sida danum bag-u kanda ibinuhus sa atubangan Panginuun. Balaw sida naghandum karan-unun ati katpung pag sirang, inaku nida kanda kasalanan magkun, “Kami nagkasala laban sa Panginuun.” Pinanguluhan ni Samwil ti manga Israilita ati sa Mispa.