Libitiku 16:24 - Hanunuu

²⁴ Marigus siya sa usa ka banal pag rugar ati sa Turda bag-u isulung niya kay panulungun pag rutay. Siyun ginan, lumuwas siya ag ihandug niya ti handug pagsunugun para sa kay sadili hanggan ti handug para sa manga Israilita hampay malumpiyu sida ginan sa kanda manga kasalanan.

Libitiku 16:24 Iomraidhean Croise

Pag-ighit 28:40

Pagpatahi diman kawu pansulud pag rutay, manga huragkus, hanggan manga pantaung, para sa kay manga anak ni Aarun sa ikagalang hanggan sa ikadayaw manga tawu.

Pag-ighit 28:41

Ipasulung nimu ti manga rutay sa kanmu patar-ari sa kan Aarun ag sa kay manga anak lalaki, bag-u payidan nimu sida lana ulibu ag itigana sa buruwatun. Ipablag nimu sida sa kangku hampay makasirbi sida sa kangku bilang manga manughandug.

Isikil 42:14

Nu magluwas yi ti manga manughandug sa inda pag banal sulud-sulud, balaw dapat sida magdiritsu sa luwas pag sugkadan. Kailangan ubahun dapu nida kanda manga ginamit rutay sa pagsirbi, dahil banal inda pag manga rutay. Kailangan man-ilis dap sida tuhay pag rutay bag-u sida umatag sa bahagi Balay Diyus para sa manga tawu.”

Libitiku 14:9

Sa ikapitu pag sirang, kidkidun maan niya kay buhuk sa ulu hanggan kay bungut, kay kidsun, hanggan ti tanan-tanan niya bulbul, bag-u pipian niya kay rutay bag-u marigus.

Libitiku 16:25

Sunugun diman niya sa harandugan ti manga taba handug sa paglumpiyu kasalanan.

Libitiku 9:7

Magkun siya sa kan Aarun, “Pagpakarani kawu sa harandugan bag-u ihandug nimu kanmu manga handug sa paglumpiyu kasalanan, hanggan kanmu handug surunugun agud malukat kawu kaibahan kanmu magtal-anakan ginan sa kanyu manga kasalanan. Angay sa sugu Panginuun, ihandug diman nimu ti manga handug tawu hampay malukat sida sa kanda manga kasalanan.”

Hibriyu 9:10

Dahil tunda pag manga bilin tungkul lang sa manga karan-unun tawu, sa kanda pag-inmun hanggan sa kanda tun-anun sa mag-ugas. Nakan may kahulugan lang pag manga bilin hanggan sa udwaya binag-u Diyus ti tanan pag manga bagay.