Libitiku 16:20 - Hanunuu

²⁰ Pagkatapus mabwat ni Aarun ti paglumpiyu sa Pinakabanal pag Sulud-sulud hanggan ti iba waya pag manga bahagi Turda kaibahan ti harandugan, darahun niya sa karaw-an ti buhi pag kambing.

Libitiku 16:20 Iomraidhean Croise

Isikil 45:20

Kainda diman ti buwatun niyu sa ikapitu pag sirang sa imaw diman pag bulan para sa kan una si unu ti nagkasala balaw sinadya ngatay nagsalan balaw niya alam. Sa panab-anan inda malumpiyu niyu ti Balay Diyus.

Libitiku 16:16

Sa panab-anan tunda pag buwat ni Aarun, malumpiyu ti Pinakabanal pag Sulud-sulud ginan sa kayagtingan manga taga Israil hanggan sa kanda manga kasalanan ag paglapastangan. Buwatun diman niya inda sa iba pag manga bahagi Turda sa karaw-an kayagtingan manga taga Israil.

Libitiku 16:19

Bag-u isawsaw niya kay ituturu sa dugu ag iwidwisik niya tunda makapitu sa harandugan para ihandug tunda sa Panginuun hampay malumpiyu ag pabanalun sa pagkamauring dahil sa kasalanan manga taga Israil.

Libitiku 16:21

Ikupa niya kay duwa ka kamang sa ulu kambing bag-u iampu niya ti tanan kasalanan hanggan ti paglapastangan manga Israilita. Sa panab-anan siyun misalin kanda manga kasalanan tabug sa ulu kambing. Bag-u ipakaun ni Aarun sa katiwala ti kambing hampay palpasan sa pangawakawaan.

Libitiku 6:30

Dapat nu ti dugu handug dinara sa Banal pag Sulud-sulud, ati sa sulud Turda agud ilukat sa kasalanan usa ka tawu, danga gid tunda pagkan-a pag handug, kailangan sunugun lang gid tunda.

Libitiku 8:15

Iniyaw ni Muysis ti baka ag namuul siya kay dugu. Kay isinawsaw kay ituturu sa dugu bag-u ipinayid niya sa manga sungay sa suuk harandugan hampay malumpiyu inda. Ti nasawad pag dugu kay yi inuyang sa sirung harandugan. Katida ngani kay nagtalaga harandugan para sa Panginuun hampay karapat-dapat handugan panlukat sa kasalanan.

Ruma 4:25

Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

2 Kurintu 5:19

Kanmi ibug sabihun, ginan sa kan Kiristu nipausa Diyus ti taga kalibutan sa kanya. Udyi pag-alalahanun niya kanda manga kasalanan. Ipiniyar Diyus sa kanmi inda pag barita hampay ti manga tawu ipausa ngani sa kanya.

Kulusas 1:20

Minahal niya ti buu kalibutan hampay miusa maan sa kanya sa panab-anan niya Anak. Sa panab-anan dugu ni Kiristu ibinuhus sa kay namatay sa kurus, pinausa Diyus tag sa kay sadili ti tanan bagay linalang una sa langit, una sa bagaw daga.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.