Libitiku 16:10 - Hanunuu

¹⁰ Dapat ti kambing nabunut para sa kan Asasil, ihandug niya inda buhi sa atubangan Panginuun bag-u palpasan niya tunda sa pangawakawaan, agud malukat ti manga tawu sa kanda manga kasalanan.

Libitiku 16:10 Iomraidhean Croise

Libitiku 14:7

Ag ti danum may dugu iwidwisik niya makapitu ka ulit sa tawu inmayad sa dilikadu pag sakit sa lukub, bag-u ipaalam niya kuntay malumpiyu yi tunda pag tawu. Bag-u palpasan manughandug ti buhi pag manuk sa bantud.

Libitiku 16:8

Ag buwatun niya lunggungan ti duwa ka kambing nu naan ti para sa Panginuun ag ti para sa kan Asasil.

Libitiku 16:9

Ti para sa Panginuun pag nabunut pag kambing ihandug niya bilang handug sa paglumpiyu kasalanan.

Ruma 3:25

Si Hisus ngani ti ihinanda Diyus hampay ipakaun niya kay buhi ag hampay sa pagkabuhus niya dugu may kapatawadan ti manga tawu sa kanda manga kasalanan, nu sida magsarig sa kanya. Kay binwat Diyus tunda hampay ipakilala kay katadlungan. Dahil nu sa kaybi, pinakan-an niya rugar ti manga tawu, pinasinsiya niya kanda manga kasalanan.

Ruma 4:25

Namatay si Hisus dahil sa kanta manga kasalanan, binuhi maan uman hampay kita mahimu kilalan-un Diyus kuntay manga matadlung.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.

1 Huwan 3:16

Siti nita pag makilala ti pagmahal, sa kay unman nag-irang ni Hisu-Kiristu kay kinabuhi sa kamatayan para sa kanta. Nakan kailangan balaw diman irangan nita kanta buhi para sa manga patar-ari.