Libitiku 15:5 - Hanunuu

^5-7 Ag una si unu ti makaigpil sa kanya ngatay sa kay nag-igyaan una sa kay nagtukawan, kailangan pipian niya kay rutay ag pagparigus, dapat ibilang di siya sa mauring tugka sa misalup ti init.

Libitiku 15:5 Iomraidhean Croise

Kanta 26:6

Pag-ugasan niku kang kamang hampay ipakakit kuntay unman aku may kasalanan. Ag mag-atag aku sa kanmu harandugan hampay mansamba sa kanmu, Panginuun,

Kanta 51:2

Ugasi aku sa kang kadautan; lumpiyuha aku sa kang manga kasalanan.

Kanta 51:7

Lumpiyuha aku sa kang manga kasalanan hampay bumaliw malumpiyu aku. Ugasi aku hampay bumaliw gid malagti.

Pag-ighit 19:10

magkun waya ti Panginuun sa kanya, “Atiha nimu ti manga tawu ag sabiha sa kanda lumpiyuha kanda sadili taynguna hanggan aldaw. Kailangan pipian nida kanda manga rutay.

Isayas 1:16

Lumpiyuha niyu kanyu sadili. Apasi yi niyu kanyu magbuwat kadautan sa kang atubangan.

Isayas 22:14

Magkun sa kangku ti Panginuun Diyus Makamaskihan, “Balaw niya kamu patawadun sa kanyu manga kasalanan tugka sa magkabuhi waya kamu.”

Isikil 36:25

Widwisikan niku kamu malumpiyu pag danum hampay lumumpiyu kamu sa tanan niyu uring, hanggan balaw yi kamu magsamba sa manga diyus-diyusan.

Isikil 36:29

Lumpiyuhun niku kamu sa tanan niyu uring. Pakan-an niku kamu abunda pag ani, ag balaw yi kamu mangagwanta sa lun-us.

Libitiku 11:24

Danga niyu pag-igpili ti bilug namatay hayup balaw buka kay kuku hanggan unman mag-uman magtalta kanda kinaun. Danga diman niyu pag-igpili ti namatay pag manga bilug hayup upat kay lulud may manga kuku pan-garus. Kilalan-un niyu mayagting tunda pag manga hayup. Una si unu ti makaigpil sa namatay bilug hayup, kailangan pipian niya kay rutay, dapat mauring waya siya tugka sa mag-isalup init.

Libitiku 11:32

Una hintay pag bagay ti malagpakan bilug namatay tunda mauring yi gid, una bagay buwat sa kayu, una pisahan, una paknul, ngatay saku, hanggan una naan inda paggamitun. Kailangan ugasan tunda sa danum, dapat kilalan-un waya inda mauring tugka sa mag-isalup init, makalawuy tunda, malumpiyu yi.

Libitiku 13:34

Sa ikapitu pag sirang, himaldan maan manughandug kay may magatul. Nu unman tunda mag-amat hanggan mag-abasad kay kurubyu sa garis, ipaalam manughandug kuntay malumpiyu yi siya. Bag-u pipian tawu kay rutay, ag kilalan-un yi siya malumpiyu.

Libitiku 13:6

Sa ikapitu pag sirang, himaldan maan siya manughandug. Nu linmatu yi kay garis sa kay lukub ag unman yi inmamat, ipaalam manughandug kuntay malumpiyu yi siya dahil garis wata tunda. Siyun ginan, kailangan niya pipian kay rutay, ag malumpiyu yi siya.

Libitiku 14:27

ag lakaw sa kay ituturu sikun pag kamang, iwidwisik niya ti lana ulibu makapitu ka ulit ati sa atubangan Panginuun.

Libitiku 15:18

Nu mangululidan ti lalaki ag babayi, bag-u manluwang ti ginan sa kinatawu lalaki, kailangan marigus sida duwa, dapat ibilang di sida sa mauring tugka sa misalup ti init.

Libitiku 15:4

Una hintay ti maigyaan niya ngatay matukawan bumaliw yi mauring.

Libitiku 16:26

Ti piniyaran pag tawu para sa pagpalpas kambing para sa kan Asasil kailangan pipian niya kay rutay ag marigus bag-u siya bumalik sa kampu.

Libitiku 16:28

Ti tawu nagsunug tunda kailangan pipian niya kay rutay ag marigus bag-u siya bumalik sa kampu.

Libitiku 17:15

Una si unu sa kanyu, Israilita man ngatay manga day-uhan mag-ulian kaibahan niyu ti kumaun sa hayup namatay ngatay minatay lang niya kaparihu hayup, kailangan pipian niya kay rutay ag marigus, dapat ibilang diman siya sa mauring tugka sa misalup ti init.

Bilang 19:10

Ti tawu nagbuul dapug baka kailangan diman pipian niya kay rutay, ag kilalan-un diman siya mayagting tugka sa maghugut marukirum. Inda pag surundanun kailangan tupadun hanggan aban manga Israilita ag manga day-uhan mag-ulian kaibahan nida.”

Bilang 19:22

Una si unu ngatay una hintay ti mahiyaptan mayagting pag tawu kilalan-un mayagting diman tugka sa maghugut marukirum.”

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

Hibriyu 9:26

Nu abi balaw katida, kailangan mana paulit-ulit si Kiristu mamatay ginan waya sa umpisa pagkalalang kalibutan. Dapat pagka kainda arani yi ti katapusan kalibutan ipinaburayhaw siya kas-a lang bag-u ipinakaun niya kay sadili sa Diyus hampay mab-ul yi ti kasalanan kalibutan.

Santiyagu 4:8

Pagpakarani kamu sa Diyus, bag-u pumakarani waydi ti Diyus sa kanyu. Lumpiyuha kanyu manga kamang, kamu pag manga makasalanan. Lumpiyuha kanyu tagipusuun, kamu pag manga tawu magkauman-uman kanyu naisipan.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.

1 Samwil 20:26

Sa tunda pag sirang, unman namagaw si Saul tungkul sa kay pagkalyam ni Dabid dahil mag-isip siya barang may nabwat si Dabid ag imaw ti nakapa-uring sa kanya, nakan unman siya nakapakiusa.