Libitiku 15:31 - Hanunuu

³¹ Sinabihan Panginuun si Muysis hanggan si Aarun kuntay pasandami gid ti manga Israilita tungkul sa manga bagay makapauring sa kanda, hampay balaw sida mamatay nu umatag sida sa Turda Panginuun, asan sa karaw-an kampu.

Libitiku 15:31 Iomraidhean Croise

Kanta 66:18

Nu pinabay-anan lang niku kang manga kasalanan unman mana nagpatingi ti Panginuun sa kangku.

Isikil 23:38

Purya sitay, inuringan waya nida kang Balay Diyus ag ti manga Sirang Pamahari kang pag-ipatupad sa kanda. Pagka sirang ihinandug nida kanda manga anak sa kanda diyus-diyusan, nagsulud sida sa kang Balay, ag sa Sirang Pamahari waya tunda. Sa katida pag inuringan nida kang Balay.

Isikil 36:17

“Anak tawu, katpung ti manga Israilita mag-ulian waya sa kanda daga, inuringan inda nida sa panab-anan nida daut pag ugali ag buwat. Sa kang magbantay, kanda ugali mauring parihu sa babayi magkadugu.

Isikil 44:23

Kailangan tudluan nida kang nasakupan nu unu ti banal ag ti balaw banal, nu unu ti malumpiyu ag ti mauring.

Isikil 5:11

Aku, ti buhi pag Panginuun Diyus, magsumpa kang ipadamhak kamu sa unman may pangaawa dahil inuringan niyu kang Balay Diyus sa panab-anan pagsamba sa manga diyus-diyusan hanggan pagbuwat mayagting pag manga bagay.

Danyil 9:27

Tunda pag hari mamuwat matibay pag kasunduan sa kayamuan tawu sa sulud pitu ka timpu. Dapat pagkalawuy tulu ka timpu may tunga, amparahun niya ti manga handug ag ipauli niya sa Balay Diyus ti manga mayagting pag bagay, nakan pabay-anan ti Balay Diyus. Pumirmaminti inda ati tugka sa rumas-ug ti katapusan hari, angay sa itinagka Diyus.”

Libitiku 11:47

Maalaman niyu nu naan ti malumpiyu ag ti mauring, ti mahimu kan-un ag ti unman mahimu kan-un.

Libitiku 13:59

Imaw tunda ti manga surundanun nu kabitay maalaman kuntay malumpiyu ngatay mauring ti rutay buwat sa bulbul ngatay linu hanggan ti una hintay pag bagay ti binwat ginan sa paknul nagkaimaw kalmu.

Libitiku 15:32

Tunda ngani ti manga surundanun tungkul sa lalaki pagluwangan ginan sa kay kinatawu ngatay may amumutul, hanggan tungkul sa babayi magkadugu ngatay pagduguun udwaya sa kay kabulanan, ag tungkul sa lalaki nangulid sa babayi mauring.

Libitiku 19:30

Sunda niyu kang manga pag-isugu sa kanyu sa Sirang Pamahari, ag galanga niyu ti rugar sarambahan niyu sa kangku. Aku ti Panginuun.

Libitiku 20:3

Pagkagalitan niku tunda pag tawu, danga yi siya pagkilalan-a nasakupan niyu. Dahil sa pagsagda niya kay anak sa kan Muluk, inuringan niya ti rugar sarambahan para sa kangku ag balaw iginalang kang banal pag ngaran. Nu pabay-anan lang niyu tunda pag tawu, ag balaw minatay,

Bilang 19:13

Una si unu ti mid-ut sa bangkay unman nakalumpiyu parihu lang ga inuringan niya ti Turda Panginuun. Kailangan tunda pag tawu danga yi pagkilalan-a nasakupan niyu. Dahil balaw siya nawidwisikan danum garamitun sa paglumpiyu, mayagting diman siya.

Bilang 19:20

Dapat nu ti tawu mayagting balaw manlumpiyu, danga yi pagkilalan-a nasakupan niyu, dahil ga inuringan diman niya ti Turda Panginuun. Ag dahil balaw siya nawidwisikan danum paggamitun sa paglumpiyu, mauring diman siya.

Bilang 5:3

Palwasan niyu sida, lalaki man ngatay babayi hampay balaw nida mauringan ti kampu, nu naan aku mangulian kaibahan niyu.”

1 Kurintu 3:17

Nu dautun tawu ti Balay Diyus, dautun waydi siya Diyus dahil ti Balay Diyus ibinukud para sa kanya. Kamu yi ngani ti Balay Diyus.

Diyuturunumiyu 24:8

“Tungkul sa dilikadu pag sakit sa lukub, sunda niyu kaayad ti manga surundanun pag-ipabuwat sa kanyu manga manughandug lahi ni Libi. Sunda gid niyu kang pag-isugu sa kanda.

Hibriyu 10:29

Pag-isip kamu nu kabitay kay kahigpit pag parusa ti isintinsiya sa tawu nu binul-an niya halaga ti Anak Diyus, ag nu kay linapastangan niya ti dugu ti itinalaghut sa taratu madi imaw ti naglumpiyu sa kanya, ag nu dinayu niya ti Ispiritu imaw tigpakaun kaayadan.

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

1 Samwil 3:14

Nakan pag-isumpa niku balaw yi gid mapatawad sa panab-anan una hintay pag manga handug kay kasalanan magtal-anakan ni Ili tugka aban.”