Libitiku 14:4 - Hanunuu

⁴ manpabuul ti manughandug duwa ka malumpiyu pag manuk buhi, bag-u usa ka pulud kayu sidru, hanggan maragang pag panhigut, ag usa ka bugkus isupu.

Libitiku 14:4 Iomraidhean Croise

Kanta 51:7

Lumpiyuha aku sa kang manga kasalanan hampay bumaliw malumpiyu aku. Ugasi aku hampay bumaliw gid malagti.

Pag-ighit 12:22

Patiktikun niyu kay dugu sa malukung. Pagbuul kamu manga sanga isupu bag-u sugmawan sa dugu, ag payidi kanyu tungud hanggan habig bakalan manga sabian. Danga may magluwas sa kanyu balay tugka surip.

Libitiku 1:14

Nu manuk ti ihandug usa ka tawu bilang handug pagsunugun para sa Panginuun, kailangan kalampati inda ngatay kurkuru.

Libitiku 14:5

Bag-u ipaiyaw manughandug ti usa ka manuk sa babaw anglit may danum ginan sa bulbugan.

Libitiku 14:6

Bul-un waya niya ti usa ka buhi pag manuk, hanggan ti kayu sidru, ti maragang pag higut, ag ti isupu, bag-u kay isugmaw tunda tanan sa danum may dugu manuk iniyaw.

Libitiku 5:7

Dapat nu unman siya may kakayahan manhandug karanidu ngatay kambing, manhandug lang siya duwa ka kalampati ngatay duwa ka kurkuru bilang bayad niya sa kay kasalanan: kay usa, handug sa paglumpiyu kasalanan ag kay usa handug pagsunugun.

Bilang 19:18

Bag-u ti usa ka tawu malumpiyu pagbuul usa ka sanga tanum isupu ag isugmaw niya inda siti pag danum ag iwidwisik sa turda namatyan hanggan sa tanan pag kagamitan siyun, hanggan sa manga tawu sa sulud turda. Widwisikan diman ti tawu nakahiyaput but-ul tawu, ngatay sa bangkay tawu minatay ngatay namatay lang sa kapaladun pag kamatayan, ngatay nid-ut sa kalubngan.

Bilang 19:6

Bag-u mam-ul si Iliyasar usa ka pulud kayu sidru, usa ka sanga tanum isupu, hanggan maragang pag panhigut, ag iyamut tunda tanan sa magkasunug baka.

Hibriyu 9:19

Ipinaliwanag dapu ni Muysis sa manga tawu ti tanan buruwatun angay sa Kasuguan. Bag-u bin-ul niya ti dugu baka manga kambing, linakayan danum ti dugu, bag-u isinawsaw niya sa dugu ti marara pag bulbul karanidu hanggan ti sanga isupu bag-u kay winidwisikan ti ribru Kasuguan hanggan ti tanan tawu.