Libitiku 14:22 - Hanunuu

²² Angay sa kay makayahan, mandara siya duwa ka kalampati ngatay duwa ka kurkuru; kay usa handug niya bilang paglumpiyu kasalanan ag kay usa waya handug bilang pagsunugun.

Libitiku 14:22 Iomraidhean Croise

Kanta 68:13

Una ti manga napatayak sa tudiran manga karanidu inayawan manga diyus-diyusan kay histuda ga kalampati kay manga pakpak may pahaklup pilak ag kay pudpud pakpak may pahaklup lunsay gintu.”

Kanta ni Sulumun 2:14

Parihu kawu sa kalampati magpatagu sa ukang batu. Pakakitan sa kangku kanmu marinu uyahun ag padnugan kanmu marinu busis.

Isayas 38:14

Nanhagad aku awat hanggan tugka kang busis ga mag-uni wadi alipasang ngatay tagwak. Mag-arunghung aku ga mag-uni kalapati. Ti manga mata niku magkagasa yi sa pakatuturun atag sa tungud. Panginuun, awati nimu duy aku sa inda pagkakurian.

Isayas 59:11

Man-ngurub kita sa kakurian ga usu ag mandaghum ga manga kalapati. Pag-alagdun nita parusahan yi Diyus kanta manga kalaban ag iribri kita, dapat udwaya gid magkatupad.

Hirimyas 48:28

Pag ighit yi kamu sa kanyu banwa ag pangulian sa yangpas, ga sa manga kalampati magpugad sa manga gil-ang tunu ag mabatu pag rugar.

Isikil 7:16

Ti manga makaribri sa kamatayan ag makapalagiw tabug sa manga bantud manlumi ga uni manga kalampati, dahil sa kanda manga kasalanan.

Libitiku 14:21

Dapat nu pugri tunda pag tawu ag unman siya may kakayahan manhandug tunda pag manga handug, mandara lang siya usa ka lalaki karanidu ihandug niya bilang bayad sa kasalanan. Ipaabwat manughandug tunda pag handug sa Panginuun hampay malukat siya sa kay kasalanan. Mandara diman siya duwa ka kilu marinu pag kalasi arina may lakay lana ulibu bilang handug pasalamat. Ag mandara waya gid siya usa ka tasa lana.

Libitiku 14:24

Bul-un manughandug ti karanidu handug bayad sa kasalanan hanggan ti usa ka tasa lana ag ipaabwat niya tunda sa atubangan Panginuun bilang handug pag-ipaabwat.

Libitiku 5:7

Dapat nu unman siya may kakayahan manhandug karanidu ngatay kambing, manhandug lang siya duwa ka kalampati ngatay duwa ka kurkuru bilang bayad niya sa kay kasalanan: kay usa, handug sa paglumpiyu kasalanan ag kay usa handug pagsunugun.

Bilang 6:10

Bag-u sa ikawalu pag sirang, kailangan mandara siya duwa ka kalampati ngatay duwa ka tukmu sa manughandug ati sa sabian Turda Taragbuan.