Libitiku 14:21 - Hanunuu

²¹ Dapat nu pugri tunda pag tawu ag unman siya may kakayahan manhandug tunda pag manga handug, mandara lang siya usa ka lalaki karanidu ihandug niya bilang bayad sa kasalanan. Ipaabwat manughandug tunda pag handug sa Panginuun hampay malukat siya sa kay kasalanan. Mandara diman siya duwa ka kilu marinu pag kalasi arina may lakay lana ulibu bilang handug pasalamat. Ag mandara waya gid siya usa ka tasa lana.

Libitiku 14:21 Iomraidhean Croise

Hub 34:19

Unman siya may pagpalabihun manga takinan, ag unman niya pagbaliwahan ti manga mayaman kaysa pugri, dahil sida tanan parihu niya linalang.

Kabagawan 17:5

Ti magpuya sa manga pugri magpahimudil sa Diyus naglalang sa kanda. Parusahan ti tawu magbaya sa daut nangyari sa iba.

Kabagawan 22:2

Ti mayaman ag pugri parihu lang linalang Panginuun.

Isikil 46:7

Ti handug pasalamat ipaamut takinan sa tudu baka ag sa lalaki karanidu tig tunga saku arina, dapat dipindi siya nu pira kay ipaamut pag arina sa kada anak karanidu. Sa kada tunga saku arina ipaamut niya sa manga handug hayup, manhandug diman siya usa ka galun lana ulibu.

Libitiku 1:14

Nu manuk ti ihandug usa ka tawu bilang handug pagsunugun para sa Panginuun, kailangan kalampati inda ngatay kurkuru.

Libitiku 14:10

Sa ikawalu pag sirang, kailangan magdara siya duwa ka lalaki anak karanidu ag usa ka timpu babayi karanidu, unman may alangan. Magdara diman siya unum ka kilu marinu pag kalasi arina may lakay lana bilang handug pasalamat. Ag magdara waya siya usa ka tasa lana.

Libitiku 14:22

Angay sa kay makayahan, mandara siya duwa ka kalampati ngatay duwa ka kurkuru; kay usa handug niya bilang paglumpiyu kasalanan ag kay usa waya handug bilang pagsunugun.

Libitiku 27:8

Nu pugri ti nanaratu bag-u unman siya makakaya sa sinabi pag halaga, daran-un niya tabug sa manughandug ti tawu itinaratu niya ihinandug tag sa Panginuun, bag-u ti manughandug imaw ti pumakaun halaga angay sa makaya ibayad tawu.

Libitiku 5:11

Dapat nu unman siya may kakayahan manhandug duwa ka kalampati ngatay duwa ka kurkuru, manhandug yi lang siya duwa ka kilu marinu pag arina. Kailangan balaw niya lakayan lana hanggan kamangyan dahil handug tunda sa paglumpiyu kasalanan, balaw handug pasalamat.

Libitiku 5:7

Dapat nu unman siya may kakayahan manhandug karanidu ngatay kambing, manhandug lang siya duwa ka kalampati ngatay duwa ka kurkuru bilang bayad niya sa kay kasalanan: kay usa, handug sa paglumpiyu kasalanan ag kay usa handug pagsunugun.

Lukas 6:20

Nagbantay si Hisus sa kay manga tuludluan, bag-u sinabi niya magkun, “Papaladan Diyus kamu pag manga pugri, dahil kamu pagharian Diyus.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

1 Samwil 2:8

Pagbangunun niya ginan sa kakurian ti manga makuri. Pag-ipatukaw niya sida kaibahan manga kilala pag manga tawu bag-u pagdayawun. Siya ti may apu paratukawan kalibutan.