Libitiku 14:12 - Hanunuu

¹² Bul-un manughandug ti usa ka lalaki karanidu hanggan ti usa ka tasa lana, ag ihandug niya tunda bilang handug bayad sa kasalanan. Bag-u ipaabwat niya tunda sa atubangan Panginuun bilang handug pag-ipaabwat.

Libitiku 14:12 Iomraidhean Croise

Pag-ighit 29:22

“Bag-u bul-a niyu ti taba karanidu, ti matabul pag ikug, ti tanan taba sa sulud tiyan, ti diit pag bahagi atay, ti duwa ka batu ag kay taba, hanggan kay sikun pag balangbang. Inda ti handug para sa pag-intirga sa manga manughandug.

Pag-ighit 29:24

Pahiyaptan nimu inda tanan sa kan Aarun hanggan sa kay manga anak, ag ipaabwat nida sa kangku bilang handug pag-ipaabwat.

Pag-ighit 29:26

Bul-a diman nimu ti dubdub karanidu ag ipaabwat nimu inda sa kangku bilang handug pag-ipaabwat. Inda kanmu bahagi pag handug karanidu para sa pag-intirga sa kan Aarun hanggan sa kay manga anak lalaki.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Libitiku 14:10

Sa ikawalu pag sirang, kailangan magdara siya duwa ka lalaki anak karanidu ag usa ka timpu babayi karanidu, unman may alangan. Magdara diman siya unum ka kilu marinu pag kalasi arina may lakay lana bilang handug pasalamat. Ag magdara waya siya usa ka tasa lana.

Libitiku 14:11

Bag-u darahun manughandug ti malumpiyu yi pag tawu dara kay manga handug sa atubangan Panginuun siyun sa arani sabian Turda Taragbuan.

Libitiku 5:15

Nu ti usa ka tawu naglabag sa Panginuun dahil unman niya ipinakaun ti bagay para sa Panginuun, una balaw niya tikis, kailangan manhandug siya lalaki karanidu unman may alangan bilang bayad sa kay kasalanan. Mahimu diman bayadan niya pilak angay sa halaga lalaki karanidu angay sa kilu pilak sa kiluhan paggamitun manga manughandug. Imaw inda ti handug bayad sa kasalanan.