Libitiku 13:6 - Hanunuu

⁶ Sa ikapitu pag sirang, himaldan maan siya manughandug. Nu linmatu yi kay garis sa kay lukub ag unman yi inmamat, ipaalam manughandug kuntay malumpiyu yi siya dahil garis wata tunda. Siyun ginan, kailangan niya pipian kay rutay, ag malumpiyu yi siya.

Libitiku 13:6 Iomraidhean Croise

1 Hari 8:38

ag nu may imaw mandarangin sa kanda ngatay manhagad sa kanmu, saguta nimu sida. Nu pagkilalan-un nida dahil sa kanda manga kasalanan rinmas-ug inda pag manga kadamhakan sa kanda, ag mandarangin sida maabwatan kanda manga kamang, maatubangan sa inda pag Balay Diyus,

1 Hari 8:45

patingihi kanda manga darangin hanggan manga paghagadun asan sa kanmu ulian sa langit, ag pakan-i nimu sida panalu.

Kanta 19:12

Nu kas-a unman magkaalaman tawu kuntay nagsalan siya. Nakan Panginuun, lumpiyuha aku sa manga kasalanan balaw niku magkaalaman!

Kabagawan 20:9

Unman may makasabi malinis yi gid kay tagipusuun, unman yi gid siya may kasalanan.

Manugtudlu 7:20

Unman gid may tawu sitay sa kalibutan ti pirmi magbuwat matadlung ag unman magsalan.

Isayas 42:3

Balaw niya pabay-anan ti manga malumuy kay pagsarig ag balaw niya patlikudan ti manga naduraan pag-asa. Ilantag niya ti katadlungan.

Libitiku 11:40

Una si unu ti bum-ul ngatay kumaun sa tunda pag bilug hayup kailangan pipian niya kay rutay, dapat baliwun siya mayagting tugka sa mag-isalup init.

Libitiku 13:2

Nu ti lukub usa ka tawu magkabaga, maglimutyug ngatay maglagti tanda dilikadu pag sakit sa lukub, kailangan daran-un tunda pag tawu sa kan Aarun ngatay sa usa ka manughandug lahi ni Aarun.

Libitiku 13:5

Sa ikapitu pag sirang, himaldan maan siya manughandug. Ag nu kumun diman kay lukub unman inda mag-amat, ipasaman di maan siya manughandug sa manga tawu sa sulud pitu ka sirang.

Libitiku 13:7

Dapat nu inmamat ti manga garis sa kay lukub siyun ginan sa kay nagpahimalad sa manughandug ag ipinaalam manughandug kuntay malumpiyu siya, kailangan manpahimalad maan siya sa manughandug.

Libitiku 14:8

Dapat bag-u siya kilalan-un malumpiyu, pipian dapu niya kay rutay, kidkidun niya ti tanan buhuk hanggan bulbul, ag marigus siya. Mahimu yi siya makasulud sa kampu dapat unman siya mahimu umuli sa kay turda sa sulud pitu ka sirang.

Ruma 14:1

Tanggapa niyu ti malumuy kay pagsarig, danga niyu pagtamyawa kay manga tun-anun.

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

Diyuturunumiyu 32:5

Dapat nagkasala kamu sa kanya, balaw yi niya kamu pagkilalan-un kay manga anak dahil sa kanyu kadautan. Manga makasalanan ag madaya pag sinulput-lahi!

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 9:10

Dahil tunda pag manga bilin tungkul lang sa manga karan-unun tawu, sa kanda pag-inmun hanggan sa kanda tun-anun sa mag-ugas. Nakan may kahulugan lang pag manga bilin hanggan sa udwaya binag-u Diyus ti tanan pag manga bagay.

Santiyagu 3:2

Kita tanan pirmi magsalan. Una si unu pag tawu nu unman magsalan sa kay bagaw, unman yi may ikasabi sa kanya. Mapinigilun siya sa kay sadili bilug.