Libitiku 13:45 - Hanunuu

⁴⁵ Ti tawu may dilikadu pag sakit sa lukub kailangan magsulung gitas pag rutay, barugaun niya kay buhuk, bag-u tabunan niya kay sirung pag bahagi niya uyahun. Bag-u manringgit siya, “Mauring aku! Mauring aku!”

Libitiku 13:45 Iomraidhean Croise

Gimpuunan 37:29

Igu binmalik si Rubin sa bubun, udyi lagan ati si Husi. Nakan ginitas niya kay rutay dahil sa karukuan.

2 Samwil 13:19

Kay binwat ni Tamar, ginisi niya kay marinu ag aba pag rutay, ag namauli siya dapug sa kay ulu. Bag-u linmakaw siya maglumi habang matakluban kay kamang sa kay uyahun.

2 Hari 7:3

Taynguna, may upat ka tawu may dilikadu pag sakit sa lukub manga matukawan sa may puwirtahan banwa. Magharampangan sida, “Hayga manukawan kita sitay tugka sa mamatay?

Hub 1:20

Pagka tida nadnugan ni Hub, tinmindug siya ag ginitas kay rutay dahil sa karukuan. Bag-u inuguy niya kay buhuk bag-u napadapa sa daga hampay sumamba sa Panginuun.

Hub 42:6

Nakan magkay-a aku sa tanan niku manga binagaw tungkul sa kanmu, ag pag-iampu niku sa panab-anan pagtukaw sa galbuk hanggan sa dapug.”

Kanta 51:3

Dahil sa tanan pag udas pag-isip-isipun ag pag-akuun niku kang manga kasalanan.

Kanta 51:5

Daut aku ag nagsalan ginan waya sa kang pagkalusad.

Isayas 52:11

Kamu pag manga tagadara garamitun Balay Diyus Panginuun, pag-ighit yi kamu sa Babilunya. Danga kamu mag-igpil manga bagay mauring. Pag-ighit yi kamu sa Babilunya, ag pagpakabanal.

Isayas 6:5

Magkun aku, “Kaawaawa aku! Pihu gid midamhak aku, dahil makasalanan kang bibig ag mag-ulian aku minsan sa manga tawu makasalanan diman kay bibig. Kainda nakitan niku ti Hari, ti Panginuun Makamaskihan.”

Isayas 64:6

Kami tanan nagbaliw ga mauring pag bagay, ag ti tanan nimi mayad buwat bilang ga mauring pag tarapu. Kami tanan nagbaliw ga labung magkalayung, ag parihu sa durus, ipinayag kami nimi kadautan.

Hirimyas 3:25

Kailangan ngani duy kami patagu dahil sa kay-a dahil kami hanggan kanmi manga ginurang nagsalan sa kanmu, Panginuun nimi Diyus. Ginan waya sa pagkaanak nimi tugka kainda, unman duy kami sinmunud sa kanmu.”

Hirimyas 36:24

Balaw gid nadala ti hari hanggan ti tanan niya takinan sa nadnugan nida sa pagkumnun kasuratan. Balaw nida ginitas kanda rutay palatandaan sa karukuan nida.

Karukuan 4:15

Pagringgitan sida manga tawu, “Pagpakarayu kamu! Manga mayagting kamu! Danga niyu kami paglabuta.” Nakan nagpalagiw sida ag una naan yi lang sida pag nasyun nag-atag; dapat unman gid may nagtanggap sa kanda.

Isikil 24:17

Mahimu lang kawu umarup aba dapat danga pagpakakitan magkaruku kawu. Danga paglukasa kanmu taung hanggan lapak. Danga pagtabuni kanmu uyahun. Danga diman kawu magkaun karan-unun pagkan-un manga magpanruku sa namatay.”

Isikil 24:22

Ag buwatun niyu ti binwat ni Isikil. Danga niyu pagtabuni kanyu uyahun, bag-u danga kamu magkaun karan-unun pagkan-un manga magpanruku sa namatay.

Huwil 2:13

Pag-ampu kamu sa buu niyu tagipusuun ag balaw pabalhinguun lang pag patawad sa panab-anan paggisi kanyu manga rutay. Pagbalik kamu sa Panginuun niyu Diyus, dahil maawaun siya ag marapasunaidun. Maawaun siya balaw magalitun. Alistu siya umanun kay isip hampay balaw yi mamadara parusa.

Libitiku 10:6

Bag-u magkun si Muysis sa kan Aarun hanggan sa kay manga anak, sa kan Iliyasar ag sa kan Itamar, “Danga niyu pagbarugaa kanyu buhuk ngatay paggisia kanyu manga rutay sa pagpakakit kuntay kamu magkaruku sa namatay. Nu buwatun niyu tunda, mamatay diman kamu ag magalit ti Panginuun sa buu banwa Israil. Kanyu manga katawuhan Israilita, imaw ti manruku sa kanda duwa inirub Panginuun.

Libitiku 21:10

Nu ti pangulu manughandug manruku sa namatay, kailangan balaw niya barugaun kay buhuk ag danga niya paggisia kay rutay.

Mikas 3:7

Mangay-a gid kamu pag manga purupita ag manga manughula. Manaklub kamu kanyu uyahun sa masyadu pag kay-a, dahil unman yi kamu may pahayag matanggap ginan sa Diyus.

Bilang 5:2

“Sugua nimu ti manga Israilita palwasan nida sa kampu una si unu ti may dilikadu pag sakit sa lukub, ngatay may amumutul ngatay gaway dahil sa sakit, ngatay mayagting siya dahil nakahiyaput bangkay.

Lukas 17:12

Sa kay magkaaput sa usa ka baryu, sinulang siya sampulu ka tawu may dilikadu pag sakit sa lukub. Arayu waya si Hisus, nagpat-ung yi sida.

Lukas 5:8

Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”