Libitiku 12:6 - Hanunuu

⁶ Nu tapus yi ti manga sirang niya para sa paglumpiyu, lalaki man ngatay babayi kay anak, dumara siya usa ka karanidu usa ka timpu kay idad atag sa manughandug ati sa may arani sabian Turda Taragbuan bilang handug pagsunugun, hanggan usa ka kurkuru ngatay kalampati bilang handug sa paglumpiyu kasalanan.

Libitiku 12:6 Iomraidhean Croise

Gimpuunan 15:9

Sinmagut ti Panginuun, “Darahi aku sitaay usa ka dumaraga baka, usa ka babayi kambing, ag usa ka lalaki karanidu, ti kada usa may idad tulu ka timpu. Bag-u pagdara diman kawu usa ka kurkuru ag kalampati.”

Libitiku 12:2

hampay sabihun inda sa manga Israilita: Nu ti usa ka babayi nanganak usa ka lalaki, baliwun siya mauring sa sulud pitu ka sirang, parihu ga katpung magkadugu siya.

Libitiku 12:5

Nu babayi kay anak, kilalan-un siya mauring sa sulud 14 ka sirang, parihu ga katpung magkadugu siya. Dahil pagduguun waya siya, umalagad siya 66 ka sirang bag-u di siya kilalan-un malumpiyu.

Libitiku 12:7

Ihandug tunda manughandug sa atubangan Panginuun hampay madura ti kayagtingan babayi dahil sa kay magkadugu, siyun ginan kilalan-un yi malumpiyu siya. Nu unman siya makadara karanidu, mandara lang siya duwa ka kalampati ngatay duwa ka kurkuru; kay usa handug pagsunugun ag kay usa handug sa paglumpiyu kasalanan. Sa kainda pag buwat manughandug, madura yi kay kayagtingan ag bumaliw yi siya malumpiyu. Imaw inda ti surundanun tungkul sa babayi nanganak.

Libitiku 14:22

Angay sa kay makayahan, mandara siya duwa ka kalampati ngatay duwa ka kurkuru; kay usa handug niya bilang paglumpiyu kasalanan ag kay usa waya handug bilang pagsunugun.

Bilang 6:10

Bag-u sa ikawalu pag sirang, kailangan mandara siya duwa ka kalampati ngatay duwa ka tukmu sa manughandug ati sa sabian Turda Taragbuan.

Lukas 2:22

Pagka nakalawuy ti manga sirang, nagras-ug ti sirang manhandug si Marya si Husi angay sa Kasuguan ni Muysis hampay ipakilala sida malumpiyu yi. Nakan nag-ati sida sa Hirusalim, ag binaba nida si Hisus hampay ipaatubang siya sa Panginuun.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Hibriyu 7:26

Si Hisus imaw gid ti pangulu manughandug kanta kailangan. Banal siya, unman gid may kasalanan, unman may huput una di ga buhuk, apinablag siya ginan sa manga makasalanan, ag binwat siya mataas man sa langit.