katunda diman ti panganay pag manga baka ag karanidu. Kailangan matayak sa kay ina ti bag-u lusad pag baka hanggan karanidu sa sulud pitu ka sirang. Sa ikawalu pag sirang, mahimu yi inda ihandug sa kangku.
Dahil pagduguun waya siya, umalagad siya 33 ka sirang bag-u di siya kilalan-un malumpiyu. Unman siya mahimu makaigpil una hintay pag bagay para sa Panginuun ag unman diman siya mahimu umatag sa Turda Taragbuan tugka sa udwaya siya malumpiyu.
Pagka walu ka sirang yi kay nianak, nagrinas-ug kay manga kamalay hanggan kay manga katawuhan hampay turiun ti lapsag. Kanda mana ingarnan si Sakaryas parihu sa kay ngaran niya ama.
Pagka nakalawuy usa ka duminggu tinuri yi nida ti anak, iningarnan nida si Hisus, imaw diman pag ngaran ti ipinaalam anghil sa kan Marya kay udwaya magbuduy.
May manga tawu nagluwang sa Antiyukya ginan sa Hudiya. Kanda tudlu sa manga patar-ari magkun, “Dayu mahimu kamu maribri nu unman kamu turiun dapu angay sa Kasuguan ni Muysis.”
Alam yi nita una hintay ti pagsabihun sa Kasuguan, sinabi yi ngani sa manga napasakup sa Kasuguan, hampay una si unu pag tawu balaw yi may isingyanan ag ti tanan-tanan tawu may kapanagutan nu sa kaudasan sintinsiya Diyus.
Inda kang gustu sabihun, tinalaghut dapu Diyus kay taratu sa kan Abraham. Pagka lawuy upat ka gatus may tatlumpulu ka timpu, ipinakaun Diyus ti Kasuguan. Dapat tunda pag taratu unman mabul-an halaga Kasuguan. Dayu waydi mauman ti manga taratu Diyus.
Bag-uhun Panginuun niyu Diyus kanyu manga tagipusuun hanggan ti tagipusuun niyu manga katawuhan hampay mahalun niyu siya sa buu tagipusuun ag karadwa, ag mabuhi kamu dugay.
Pagka sa ikawalu pag sirang ginan sa pagkalusad niku, tinuri aku. Linahi aku ni Israil, minamat ni Binhamin, tutuu gid Hibriyu aku! Sa kang mag-ungud magtupad sa Kasuguan manga Hudiyu, Parisiyu aku.
Dahil sa kanyu pakiusa sa kan Kiristu, ga tinuri yi kamu, balaw sa kanyu bilug pag tinuri nu unman dahil kamu irinibri sa daut kagustuhan niyu sadili pagkatawu. Inda ti ga tinuri ginan sa kan Kiristu.
