Libitiku 11:46 - Hanunuu

⁴⁶ Sa panab-anan inda pag manga surundanun tungkul sa tanan kalasi hayup: ti manga hayup magkabuhi sa daga, ti manga hayup magkabuhi sa danum, ti manga hayup maglayang, ti manga hayup magyapang.

Libitiku 11:46 Iomraidhean Croise

Gimpuunan 1:20

Bag-u magkun ti Diyus, “Yumamu ti manga may buhi sa danum hanggan ti manga may buhi sa tungud maglayang.”

Gimpuunan 1:21

Nakan linalang Diyus ti manga daraka pag manga hayup sa dagat, ti tanan pag kalasi iyay mag-ulian sa danum, katunda diman ti tanan pag kalasi hayup maglayang. Nakabaya ti Diyus sa kay nakitan.

Isikil 43:12

Ag imaw inda ti un-an pag kasuguan Balay Diyus: Kailangan banal gid kay sangput sa tungud bantud nu naan pag ipinatindug ti Balay Diyus.

Libitiku 11:45

Aku ti Panginuun imaw ti nagpalwas sa kanyu sa Ihiptu agud aku kanyu Diyus. Nakan ngani kailangan pagpangabuhi kamu may kabanalan dahil banal aku.

Libitiku 11:47

Maalaman niyu nu naan ti malumpiyu ag ti mauring, ti mahimu kan-un ag ti unman mahimu kan-un.

Libitiku 14:54

Tunda ngani ti manga surundanun tungkul sa manga dilikadu pag sakit magatul sa lukub, una sa magkabaga, aw ngatay magkalupgas, una sa magnaknak, ag tungkul sa kalmu sa rutay hanggan kalmu sa balay. Nakan lakaw sa inda pag manga surundanun, maalaman niyu nu naan ti malumpiyu ag ti mauring.

Libitiku 15:32

Tunda ngani ti manga surundanun tungkul sa lalaki pagluwangan ginan sa kay kinatawu ngatay may amumutul, hanggan tungkul sa babayi magkadugu ngatay pagduguun udwaya sa kay kabulanan, ag tungkul sa lalaki nangulid sa babayi mauring.

Libitiku 7:37

Tunda ti manga surundanun sa handug pagsunugun, handug pasalamat, handug sa paglumpiyu kasalanan, handug bayad sa kasalanan, handug para sa pagtalaga, ag handug para sa mayad pag pakiusa.